نوشکی واقعہ، بلوچستان حکومت ملوث افراد کو سزا دینے کیلئے اقدامات کر رہی ہے، وزیر قانون

اسلام آباد(قدرت روزنامہ)قومی اسمبلی کا اجلاس اسپیکر سردار ایاز صادق کی زیر صدارت منعقد ہوا جس میں جمال رئیسانی کی جانب سے توجہ دلاو¿ نوٹس پر بات کرتے ہوئے وفاقی وزیر قانون نے کہا کہ بلوچستان حکومت نوشکی واقعے میں ملوث افراد کو سزا دینے کے لیے اقدامات کر رہی ہے۔ کشمور میں سندھ پولیس امن و امان کی صورتحال برقرار رکھنے کے لیے کام کر رہی ہے۔ وفاقی حکومت ان دونوں علاقوں کے مسائل کے حل کے لیے ہر ممکن تعاون فراہم کرے گی۔
وفاقی وزیر قانون کا کہنا تھا کہ 4 دہائیوں سے پاکستان انتہا پسندوں کے نشانے پر ہے۔ پی ٹی آئی حکومت نے دہشت گردوں کو واپس ملک میں آباد کیا۔ رکن اسمبلی علی جان مزاری نے کہا کہ کشمور میں امن و امان کی صورت حال پر قومی سطح کی پالیسی بننی چاہیے، جس پر وفاقی وزیر قانون نے کہا کہ صوبائی حکومت کو وزارت داخلہ ہر قسم کی معاونت فراہم کرے گی۔اعظم نذیر تارڑ کا کہنا تھا کہ افغانستان کسی دوسرے ملک کے ساتھ کیسا تعلق رکھنا چاہتا ہے وہ اس کا اپنا معاملہ ہے۔