کم نمبرز آنے پر دوبارہ امتحان کا موقع انٹر اور میٹرک کے طلبا کیلئے اچھی خبر آ گئی

اسلام آباد (قدرت روزنامہ)خیبرپختونخوا حکومت نے انٹر اور میٹرک کے سپلیمنٹری امتحانات لینے کا فیصلہ کرلیا ، 50 فیصد سے کم نمبررز لینے والے دوبارہ امتحان دے سکتے ہیں . تفصیلات کے مطابق خیبرپختونخوا حکومت نے سپلیمنٹری امتحانات لینے کا فیصلہ کرلیا، چیئرمین تعلیمی بورڈ پشاور نصر اللہ خان نے کہا کہ جن بچوں کے کم نمبرز آئے ان کو موقع دیاجارہاہے، صوبائی بورڈز کمیٹی،وزیرتعلیم ،سیکرٹری تعلیم نے فیصلہ کیا .

نجی ٹی وی اے آروائی کے مطابق چیئرمین تعلیمی بورڈ پشاور کا کہنا تھا کہ کم نمبرز لینے والے طلبادوبارہ امتحان کامطالبہ کررہے تھے،مجموعی طور پر تعلیمی بورڈز نے سپلیمنٹری امتحانات لینےکا فیصلہ کیا، انٹر ،میٹرک میں50 فیصد سے کم نمبررز لینے والے دوبارہ امتحان دے سکتے ہیں . نصر اللہ خان نے کہا سپلیمنٹری امتحان کے لئے طلبااپنی مرضی سے اپلائی کریں گے ، حکومت کیساتھ اجلاس کے منٹس آنے کے بعد شیڈول جاری ہوگا . یاد رہے گذشتہ ماہ پشاور تعلیمی بورڈ نے دسویں اوربارہویں کلاسز کے نتائج کااعلان کیا تھا ، نتائج میں دسویں کلاس کے 3 طلبا نے ٹاپ کیا، ٹاپ کرنے والے بچوں کو 50ہزار روپے اور شیلڈ انعام میں دی گئی تھی . . .