یہ سہولت صارفین کی مشکل آسان کردے گی ۔۔ واٹس ایپ کا نیا فیچر صارفین کو بہت پسند آئے گا

اسلام آباد (قدرت روزنامہ)واٹس ایپ میں اکثر لوگ جلدی میں کسی اپنے خاص کا نمبر تلاش کرتے ہیں اور وہ انہیں نہیں مل پاتا جس کے لیے انہیں نام لکھ کر سرچ کرنا پڑتا ہے۔ اس مسئلے کا حل اب واٹس ایپ نے نکال لیا ہے۔ واٹس ایپ کی جانب سے ایک ایسا فیچ متعارف کرایا جا رہا ہے جو صارفین کی بڑی مشکل آسان کردے گا۔
اس فیچر کے تحت میٹا کی زیرملکیت میسجنگ ایپلیکیشن میں کانٹیکٹس (Contacts) کے لیے فیورٹ ٹیب کا اضافہ کیا جائے گا۔ WABetaInfo کی رپورٹ کے مطابق واٹس ایپ کے اینڈرائیڈ ڈیوائسز کے لیے نئے بیٹا (beta) ورژن میں مذکورہ فیچر متعارف کرایا گیا ہے۔
اس فیچر کے ذریعے صارفین کو واٹس ایپ میں اپنی پسند کے کانٹیکٹس کو فیورٹ لسٹ میں شامل یا ڈیلیٹ کرنے کی سہولت میسر ہوسکے گی۔
اس طرح صارفین کے لیے ان افراد تک رسائی زیادہ آسان ہو جائے گی جن سے آپ اکثر رابطے میں رہتے ہیں اور کانٹیکٹس میں اسکرولنگ کرنے کی ضرورت نہیں رہے گی۔
یہ فیچر وائس اور ویڈیو کالز کے لیے بھی مددگار ثابت ہوگا۔ رپورٹ میں بتایا گیا کہ ابھی اس فیچر پر کام جاری ہے اور یہ بیٹا صارفین کو بھی دستیاب نہیں۔