سینیٹ اجلاس،چیئر مین صادق سنجرانی وزیر داخلہ شیخ رشید احمد کی عدم موجودگی پر برہم

اسلام آباد(قدرت روزنامہ)چیئرمین سینٹ صادق سنجرانی اجلاس کے دوران وزیر داخلہ شیخ رشید احمد کی عدم موجودگی پر برہم ہوگئے۔ صادق سنجرانی کا کہنا تھا کہ تحریری سوالات کے جواب کیوں نہیں آتے؟آج متعلقہ وزیر سے خو دبات کروں گا۔

نجی ٹی و ی دنیا نیوز کے مطابق سینیٹ اجلاس کے دوران صادق سنجرانی نے سوال کاجواب نہ ملنے اورمتعلقہ وزیرکی عدم موجودگی پربرہمی کا اظہا کیا ،متعلقہ سوال کاجواب وزیرداخلہ شیخ رشید نے دیناتھا ۔

چیئرمین سینیٹ نے وفاقی وزیر علی محمد خان سے پوچھا کہ اجلاس میں ایف بی آرکے افسرکے علاوہ کوئی موجودنہیں، جن وزارتوں کے سوالات ہیں وہ افسران کہاں ہیں؟، آپ پارلیمانی امورکے وزیرہیں،بتائیںافسران کیوں موجودنہیں؟، صادق سنجرانی کی جانب سے وارننگ بھی دی گئی کہ آئندہ اجلاس میں سیکرٹریزاورمتعلقہ افسران ایوان میں موجودہوں۔