قیدی نمبر 804نے جیل میں بیٹھ کر ہم لوگوں کو جتوایا ،زرتاج گل

صوابی (قدرت روزنامہ) پاکستان تحریک انصاف کی رہنما زرتاج گل کا کہنا ہے کہ عمران خان صرف عوام کیلئےجیل میں ہیں،اگر زرتاج گل اسد قیصر ،علی امین ،عمرایوب اور بیرسٹر گوھرآج لیڈر بن چکے ہیں تو وہ صرف عمران خان کی وجہ سے ،قیدی نمبر 804نے جیل میں بیٹھ کر ہم لوگوں کوجتوایا ۔

صوابی میں جلسے سے خطاب میں انہوں نے مزید کہا کہ خان صاحب کی رہائی کے لئے ہر فورم استعمال کرینگے،آج یوم مزدور ہے کل کسانوں نے پنجاب میں مار کھائی،لوگوں نے 8فروری کو خان کے نام پر ووٹ دیا تھا، پی ڈی ایم والے اگر بلے سے ہارجاتےتو تھوڑی بہت عزت بچ جاتی، لیکن وہ تو کہیں جوتے سے ،کہیں بینگن سے، کہیں چینک سے ہار گئے۔