مولانا صدیق مینگل کے قاتل گرفتار نہ ہوئے تو مرکزی شاہراہ بند کردیں گے، جے یو آئی


خضدار(قدرت روزنامہ)جمعیت علما اسلام کے مرکزی سرپرست اعلیٰ ضلع خضدار کے امیرمولانا قمرالدین، ضلعی جنرل سیکرٹری مولانا عنایت اللہ رودینی، ایم پی اے خضدار اپوزیشن لیڈرمیر یونس عزیز زہری، سردار علی محمد قلندرانی، جسٹس ر عبدالقادر مینگل، مفتی عبدالقادرشاہوانی و دیگر جمعیت علما اسلام کے رہنماﺅں نے پرہجوم پریس کانفرنس سے خطاب کرتے ہوئے کہا ہے کہ گزشتہ جمعہ کے روز خضدار چمروک پر جمعیت علما اسلام کے صوبائی نائب امیر خضدار پریس کلب رجسٹرڈ کے صدر مولانا محمد صدیق مینگل کی گاڑی پر ریموٹ کنٹرول بم دھماکہ اور ان المناک موت اور دھماکے میں دو نوجوان محمد کریم ساسولی، محمد وارث ساسولی سمیت ان کی موت کے بعد خضدار انتظامیہ کی خاموشی اور اتنی بڑی سانحہ کے بعد پولیس کا کوئی ذمہ دار آفسران کا لواحقین اور جماعت سے رابطہ نہ کرنا، اس معاملے پر سرد مہری کا مظاہرہ کرنے کی سخت مذمت کرتے ہیں، حتیٰ کہ کوئی آفیسر لواحقین کے یہاں تعزیت کیلئے زحمت ہی نہیں کی ہے۔ انہوں نے کہا جمعیت علما اسلام ایک پرامن سیاسی جماعت ہے اور پرامن طریقے سے مولانا صدیق مینگل کے قاتلوں کی گرفتاری کا مطالبہ کرتے ہیں، تین دن تک ہم انتظامیہ کو مزید مہلت دیتے ہیں وہ قاتلوں کو گرفتار کریں اگر تین تک قاتل گرفتار نہیں کیے جاتے تو 9 مئی کو کوئٹہ ٹو کراچی شاہراہ کو غیر معینہ مدت تک کیلئے بند کریں گے۔ اس موقع پر جے یوآئی کے سابق صوبائی امیر مولانا فیض محمد سمالانی، مولانا صدیق مینگل کے فرزند حمادالرحمان مینگل، تحصیل خضدار کے امیر مولانا محمد اسحاق شاہوانی، مولانا بشیراحمد عثمانی، حافظ حمید اللہ مینگل ودیگرجے یو آئی کے سینکڑوں اکابرین پریس کانفرنس میں موجود تھے۔ انہوں نے پریس کانفرنس میں کہا کہ مولانا صدیق مینگل کے قتل سے پہلے بھی خضدار میں گھروں میں گھس کر لوگوں کا قتل عام، مختلف شاہراہوں پر بم دھماکے اور چوری کی واردتیں روزکا معمول بن چکی تھےں، لوگ گھروں اور بازار میں محفوظ نہیں حتیٰ کہ گھر کے خواتین کے زیوارت بھی محفوظ نہیں تھے، ہمارے محافظین خواب غفلت میں ہیں، خضدارکو ایک سازش کے تحت بے امنی کی طرف لے جایا جارہا ہے اور لوگوں کے جان ومال محفوظ نہیں۔ انہوں نے کہا تین دن کے الٹی میٹم کے باوجود قاتل گرفتار نہیں ہوتے تو اس کے بعد جمعیت علما اسلام 9 مئی کو مرکزی شاہراہ پر غیر معینہ مدت تک کیلئے ڈیرہ ڈال دیں گے۔ اس وقت تک کوئی کارکن اپنے جگہ سے نہیں ہلیں گے انہوں نے مزید عوام اور ٹرانسپورٹروں تاجروں اورسیاسی پارٹیوں سے مطالبہ کیا کہ اس سانحہ میں ہمارے ساتھ تعاون کریں اور ہمارے مطالبات منظور نہ ہوئے تو 9 مئی سے جے یوآئی کے آخری اعلان تک ٹرانسپورٹر مرکزی شاہراہ پر سفرکرنے سے گریز کریں اور مسافروں کو تکلیف سے بچائیں۔

Recent Posts

پشاور؛ سکیورٹی فورسز کا حسن خیل میں انٹیلی جنس بیسڈ آپریشن،5دہشتگرد ہلاک، کیپٹن سمیت 2جوان شہید

راولپنڈی (قدرت روزنامہ)سکیورٹی فورسز کے پشاور کے علاقے حسن خیل میں انٹیلی جنس بیسڈ آپریشن…

4 mins ago

پی ٹی آئی نے فیصلہ کرنا ہے کہ کس کے ساتھ مذاکرات کرنے ہیں،یوسف رضا گیلانی

لاہور(قدرت روزنامہ)قائم مقام صدر یوسف رضا گیلانی نے کہاہے کہ سیاسی معاملات پر بات کرنے…

12 mins ago

ماڈل عائشہ شوکت کی شوہر کیلئے غیر حقیقی ڈیمانڈز،آپ بھی جانئے

لاہور (قدرت روزنامہ )حال ہی میں ایک شو میں واسع چودھری نے ماڈل عائشہ شوکت…

30 mins ago

ڈاکٹر یاسمین راشد ہسپتال سے ڈسچارج، واپس جیل بھیج دیا گیا

لاہور(قدرت روزنامہ)پی ٹی آئی رہنما ڈاکٹر یاسمین راشد کو سروسز ہسپتال سے ڈسچارج کرکے واپس…

41 mins ago

پاپوا نیو گنی میں خطرناک لینڈ سلائیڈنگ: قبائلی تصادم امدادی کارروائیوں میں رکاوٹ

اسلام آباد (قدرت روزنامہ)امدادی کارکنوں نے کہا ہے کہ پاپوا نیو گنی میں تباہ کن…

1 hour ago

مذاکرات کامیاب ,بلوچستان کے ٹرانسپورٹرز نے پہیہ جام ہڑتال مؤخر کردی

کوئٹہ (قدرت روزنامہ)بلوچستان میں ضلعی انتظامیہ سے مذاکرات کامیاب ہونے پر ٹرانسپورٹ ایسوسی ایشن نے…

1 hour ago