9 مئی کی زیادہ تر ویڈیوز پی ٹی آئی نے خود فخریہ انداز میں بنائیں: خواجہ آصف

اسلام آباد (قدرت روزنامہ)وزیر دفاع خواجہ آصف کا کہنا ہے کہ 9 مئی کی جو ویڈیوز سرعام آئیں ان میں سے زیادہ تر پی ٹی آئی نے خود فخریہ انداز میں بنائیں .
نجی ٹی وی جیونیوز کے مطابق اپنے ایک بیان میں وزیر دفاع خواجہ آصف کا کہنا تھا کہ جی ایچ کیو اور کورکمانڈر ہاوس پر پہنچنے کے حوالے سے ان کے اپنے رہنماوں کے پیغامات موجود ہیں جن میں وہ للکارتے ہوئے نظر آئے ہیں .

خواجہ آصف نے کہا کہ 9 مئی کی جو ویڈیوز سرعام آئیں ان میں سے زیادہ تر پی ٹی آئی نے خود فخریہ انداز میں بنائیں، پی ٹی آئی کے پارٹی ترجمان روف حسن صاف صاف تردید نہ کریں، اپنی ساکھ کا خیال رکھیں . خواجہ آصف کا مزید کہنا تھا کہ حکومت پابند نہیں کہ اپوزیشن کاچیئرمین پی اے سی لگائے، یہ چیئرمین پی اے سی کیلئے دو تین افرادکا پینل دے دیں، ہم سلیکٹ کر لیں گے .