امیر جماعت اسلامی حافظ نعیم الرحمٰان نے2026 کے لئے ناظمات صوبہ کا اعلان کردیا

لاہور (قدرت روزنامہ ) امیر جماعت اسلامی پاکستان حافظ نعیم الرحمٰان نے دستور جماعت کے تحت اراکین صوبہ سے استصواب رائے کے بعد مئی 2024 تا دسمبر 2026 کے لئے ناظمات صوبہ کا اعلان کردیا ہے جس کے مطابق ثمینہ احسان شمالی پنجاب، نازیہ توحید وسطی پنجاب، شازیہ سیال جنوبی پنجاب، عائشہ سید خیبر پختونخوا، شازیہ عبداللہ کو بلوچستان اور رخشندہ منیب کو صوبہ سندھ کی ناظمہ مقرر کیا گیا ہے . اس موقع پر سیکرٹری جنرل حلقہ خواتین جماعت اسلامی پاکستان ڈاکٹر حمیرا طارق ،ڈپٹی سیکرٹریز ڈاکٹر سمیحہ راحیل قاضی ، ثمینہ سعید ،ڈاکٹر زبیدہ جبیں،عفت سجا د، طیبہ عاطف اور عطیہ نثار نے نو منتخب ناظمات صوبہ کے لئے استقامت کی دعا کی اور کہا کہ اللہ تعالی ذمہ داریوں کی احسن ادائیگی اور اعلائے کلمۃ اللہ کے لیے اپنی صلاحیتیں بہترین انداز میں استعمال کرنے کی توفیق عطا فرمائے .