وفاقی وزیر احسن اقبال کی بیجنگ میں چائنہ ڈیولپمنٹ بینک کے حکام سے ملاقات

اسلام آباد (قدرت روزنامہ)وفاقی وزیر پلاننگ اینڈ ڈیولپمنٹ احسن اقبال نے بیجنگ میں چائنہ ڈیولپمنٹ بینک کے حکام سے ملاقات کی ہے۔
وفود کی سطح پر ہونے والی اس ملاقات کے دوران پاکستان میں انفراسٹرکچر، رینیو ایبل انرجی، اور صنعتی شعبوں میں چائنہ ڈیولپمنٹ بینک کے تعاون کے معاملات پر تبادلہ خیال کیا گیا۔
ملاقات میں چائنہ ڈیولپمنٹ بینک کے صدر نے پاکستان کی ترقی کیلئے تعاون جاری رکھنے کے اپنے غیر متزلزل عزم کا اظہار کیا۔
اس سے پہلے بیجنگ ائیرپورٹ آمد کے موقع پر وفاقی وزیر نےکہا تھا کہ سی پیک کے پہلے مرحلے کے تحت 25 ارب ڈالر کے منصوبے پاکستان میں زیرتکمیل ہیں۔
ان کا کہنا تھا کہ سی پیک کے دوسرے مرحلے میں زراعت، صنعت، گرین انرجی اور ٹیکنالوجی کے شعبے کو فروغ دیا جائے گا۔