اسلام آباد (قدرت روزنامہ)وفاقی وزیر داخلہ محسن نقوی نے اسلام آباد کے سیکٹر ایچ میں جیل کی تعمیر کے پہلے مرحلےکو 6 ماہ میں مکمل کرنے کا ٹاسک دے دیا۔
وفاقی وزیرداخلہ محسن نقوی نے اسلام آباد میں زیر تعمیر جیل کا دورہ کیا، اس موقع پر وفاقی سیکریٹری داخلہ خرم آغا، چیف کمشنر اسلام آباد محمد علی رندھاوا، آئی جی پولیس اسلام آباد، کنٹریکٹرز، کنسلٹنٹ اور متعلقہ حکام بھی موجود تھے۔
چیف کمشنر اسلام آباد محمد علی رندھاوا نے پروجیکٹ کے بارے وزیرداخلہ کو بریفنگ دی۔
انہیں بریفینگ دی گئی کہ اسلام اباد میں جیل کی تعمیر کا منصوبہ 2017 میں شروع ہوا، کئی برس کے بعد بھی اس منصوبے کو مکمل نہیں کیا جاسکا۔
وزیرداخلہ کو بتایا گیا کہ جیل میں 2 ہزار قیدی رکھنے کی گنجائش ہو گی، 2 ہزار مزید قیدی رکھنے کی گنجائش بڑھائی جا سکے گی۔
محسن نقوی نے زیر تعمیر جیل کا معائنہ کیا اور جیل کی تعمیر کے پہلے مرحلےکو 6 ماہ میں مکمل کرنے کا ٹاسک دے دیا۔
وزیر داخلہ نے چیف کمشنر اسلام آباد اور آئی جی اسلام آباد پولیس کو تعمیراتی سرگرمیوں پر باقاعدگی سے پیش رفت کا جائزہ لینے کی ہدایت کردی۔
محسن نقوی کا کہنا تھا کہ 7 برس تک منصوبے کو لٹکائے رکھنا صریحا نااہلی ہے، دن رات کام کر کے جیل کی تعمیر کا کام ٹائم لائن میں مکمل کیا جائے۔
وفاقی وزیر داخلہ نے کہا کہ ضروری عملے کی تعیناتی کا عمل بھی فوری شروع کیا جائے، منصوبے کی تکمیل کے لیے وسائل کی فراہمی کو یقینی بنایا جائے گا۔
وفاقی وزیرداخلہ محسن نقوی نے زیر تعمیر منصوبے کی تکمیل کے حوالے سے متعلقہ حکام کو ہدایات دیں۔
شکارپور (قدرت روزنامہ)شکارپورمیں صرف دوفٹ زمین کی خاطردوسگےبھائیوں کوموت کے گھاٹ اتاردیاگیا تفصیلات کےمطابق شکارپورکے…
اسلام آباد(قدرت روزنامہ)وزیراعظم شہباز شریف نے ایرانی سفارت خانے کا دورہ کیا جہاں انہوں نے…
کراچی(قدرت روزنامہ) سابق وزیر اعظم شاہد خاقان عباسی نے کہا ہے کہ عمران خان جس…
کراچی(قدرت روزنامہ) شہر قائد میں اسٹریٹ کرائم کی آڑ میں ٹارگٹ کلنگ کی وارداتوں کا…
اسلام آباد(قدرت روزنامہ)وزیر قانون اعظم نذیر تارڑ نے کہا ہے کہ ایگزیکٹو اور پارلیمان اپنی…
اسلام آباد(قدرت روزنامہ) شاعر احمد فرہاد لاپتا کیس میں عدالت کو بتایا گیا کہ آئی…