گلگت بلتستان میں سیاحت کے موسم میں سی 130 طیارے چلائے جائیں، امیر مقام

گلگت (قدرت روزنامہ)وفاقی وزیر امور کشمیر و گلگت بلتستان انجینئر امیر مقام کا کہنا ہے کہ جی بی ٹورازم کا حب ہے اس میں جتنی کوشش کر سکتے ہیں کریں گے، وزیراعظم سے بات کروں گا کہ گلگت بلتستان میں سیاحت کے موسم میں سی 130 طیارے چلائے جائیں۔
گلگت میں پریس کانفرنس کرتے ہوئے امیر مقام نے کہا کہ جی بی میں ترقیاتی منصوبوں پر بریفنگ لی ہے اور سوچ لیا ہے آگے جانے کیلئے کیا کیا جائے، گلگت کے لیے 20 میگاواٹ بجلی کے ایک منصوبے کی استعداد بڑھا کر40 میگا واٹ کی جائے گی۔
امیر مقام نے کہا کہ گندم کی قیمت بڑھنے کی وجہ سے 7 ارب روپے درکار تھے جس کو ای سی سی سے یقینی بنایا، 18 بلین روپے تنخواہوں اور دیگر چیزوں کیلئے ضرورت ہے جس کیلئے حکومت کو خط لکھ دیا ہے۔ وفاقی وزیر نے کہا کہ ماضی میں نواز شریف نے جی بی کو ریکارڈ اربوں روپے کے منصوبے دیے تھے۔