بلوچستان میں 19مئی کے دوران بارش، 21مئی سے گرمی کی لہر کی پیشگوئی

کوئٹہ(قدرت روزنامہ)محکمہ موسمیات نے بلوچستان میں آج سے 19مئی کے دوران بارش جبکہ 21مئی سے گرمی کی لہر کی پیش گوئی کردی ۔ محکمہ موسمیات کے مطابق بلوچستان کے ضلع کوئٹہ، ژوب، زیارت، شیرانی، بارکھان، قلات، خضدار، قلعہ عبداللہ، قلعہ سیف اللہ، خاران اور مستونگ میں 16سے 19مئی تک گرد آلود ہوائیں چلنے اور گرچ چمک کے ساتھ بارش کا امکان ہے ۔ محکمہ موسمیات نے خبردار کیا ہے کہ 21سے 27مئی تک بلوچستان میں دن کا درجہ حرارت معمول سے 4سے 6ڈگری سینٹی گریڈ زیادہ رہنے کا امکان ہے ۔