شاہ رخ خان بھی ہیٹ سٹروک کا شکار ہوگئے

احمد آباد (قدرت روزنامہ)بالی ووڈ کے کنگ خان سخت گرمی کا شکار ہو گئے ۔ ہیٹ سٹروک کے سبب انکو ہسپتال منتقل کر دیا گیا ۔

بھارتی میڈیا کے مطابق شاہ رخ خان کو ڈی ہائیڈیشن (جسم میں پانی کی کمی) کی شکایت پر ہسپتال منتقل کیا گیا۔شاہ رخ خان منگل کو احمد آباد میں آئی پی ایل میچ دیکھنے کے لئے موجود تھے، میچ ختم ہونے کے بعد وہ رات کو دیر سے مقامی ہوٹل پہنچے صبح شاہ رخ کی حالت خراب ہونے کے بعد ان کو تقریباً دوپہر 1 بجے ہسپتال لے جایا گیا۔

رپورٹ کے مطابق شاہ رخ خان کی طبیعت صبح سے ہی خراب تھی، سخت گرمی کی وجہ سے وہ نڈھال ہوتے جا رہے تھے، جس وجہ سے دوپہر کو انہیں ہسپتال لے جایا گیا، تاہم کچھ ہی گھنٹوں بعد انہیں ڈسچارج کردیا گیا۔ڈاکٹروں کا کہنا ہے کہ شاہ رخ کی صحت اب ٹھیک ہے اور انہیں آرام کرنے کو کہا ہے۔

واضح رہے کہ احمد آباد کا شمار بھارت کے گرم ترین شہروں میں کیا جاتا ہے، گزشتہ روز وہاں کا درجہ حرارت 45 ڈگری کے قریب تھا جس کے سبب متعدد افراد بھی ہی سٹروک کا شکار ہوئے تھے۔

اداکار کے ہسپتال داخل ہونے کی پر ان کے کروڑوں مداح ان کی صحت کو لے کر پریشان بھی نظر آئے۔