اسلام آباد (قدرت روزنامہ)بشام میں ہونے والے دہشتگردانہ حملے میں ہلاک چینی باشندوں کے لیے 25 لاکھ 80 ہزار ڈالرز زر تلافی دینے کی سمری تیار کرلی گئی۔
وزیر خزانہ محمد اورنگزیب نے اقتصادی رابطہ کمیٹی کا اجلاس آج طلب کرلیا، اجلاس میں بشام میں ہونے والے دہشتگردی کے واقعے میں ہلاک چینی باشندوں کے اہل خانہ کے لیے معاوضے کی منظوری دی جائے گی۔
اس کے علاوہ اجلاس میں روز ویلٹ ہوٹل نیویارک کو درپیش مالی مسائل، اسٹیل ملز کو گیس کی فراہمی کے لیے سوئی سدرن گیس کمپنی کے بقایا جات ادا کرنے کا بھی جائزہ لیا جائے گا۔
حفاظتی ٹیکہ جات پروگرام کے لیے 12 ارب روپے سے زائد کی سپلیمنٹری گرانٹ کی منظوری بھی اجلاس کے ایجنڈے میں شامل ہیں، پاور ڈویژن کے لیے 2 ارب 21 کروڑ روپے کی سپلیمنٹری گرانٹ کی بھی منظوری دی جائے گی۔
علاوہ ازیں وزارت داخلہ کے لیے 5 کروڑ 45 لاکھ روپے کے سپلیمنٹری گرانٹ اور نیوکلئیر ریگولیٹری اتھارٹی کے لیے 18 کروڑ 45 لاکھ روپے کی سپلیمنٹری گرانٹ کی بھی منظوری دی جائے گی۔
واضح رہے 26 مارچ کو خیبرپختونخوا کے علاقے شانگلہ میں بشام کے مقام پر گاڑی پر خودکش حملے کے نتیجے میں 5 چینی باشندوں سمیت 6 افراد ہلاک ہوگئے تھے۔
اسلام آباد(قدرت روزنامہ) حکومت نے تنخواہ دار افراد اور برآمد کنندگان کے لیے انکم ٹیکس…
اسلام آباد(قدرت روزنامہ) وفاقی وزیر داخلہ محسن نقوی کی چینی سفیر جیانگ زی ڈونگ سے…
کوئٹہ (قدرت روزنامہ )ایف سی بلوچستان نے ایرانی تیل کی سمگلنگ کی بڑی کوشش ناکام…
اسلام آباد(قدرت روزنامہ)وزیراعظم شہباز شریف نے تاجکستان کے صدر امام علی رحمان سے ٹیلیفونک رابطہ…
اسلام آباد(قدرت روزنامہ)پٹرولیم مصنوعات کی قیمتوں میں کمی کے بعد ضلعی انتظامیہ کی جانب سے…
نیویارک (قدرت روزنامہ) آئی سی سی ٹی 20 ورلڈ کپ میں پاکستان اور آئرلینڈ کی…