راشن خریدنے گئے ٹرک ڈرائیور کی 5 لاکھ ڈالرکی لاٹری نکل آئی

واشنگٹن (قدرت روزنامہ )امریکی ریاست ورجینیا سے تعلق رکھنے والے ٹرک ڈرائیور رسل گومز کی زندگی رات و رات ایسے بدل گئی جو اس نے کبھی سوچا بھی نہ تھا۔
غیر ملکی میڈیا کے مطابق ٹرک ڈرائیور رسل گومز رات کے کھانے کی تیاری کیلئے اپنے علاقے میں موجود قریبی راشن کے سٹور پر گیا جہاں اس نے لاٹری کے ٹکٹ کو دیکھ کر اپنی قیمست آزمانے کا فیصلہ کیا۔
شاپنگ مکمل کرنے کے بعد رسل گومز نے پارکنگ میں پہنچ کر جیسے ہی اپنے لاٹری ٹکٹ کو سکریچ کیا تو اس کی آنکھیں 5 لاکھ ڈالر کی رقم دیکھ کر پھٹی کی پھٹی رہ گئیں۔رسل گومز نے کہا کہ پہلے تو اسے یقین نہیں آیا اور اس کیلئے یہ ایک انتہائی خوشی کا موقع تھا۔انہوں نے کہا کہ اپنی خوشی پر قابو پانے کے بعد میں نے فوری طور پر اپنے اخراجات کی منصوبہ بندی شروع کر دی کیونکہ بہت سی خواہشات ہیں جسے میں پورا کرنا چاہتا ہوں اور سب سے پہلے میں چھٹیاں منانے جانا چاہتا ہوں۔