ایل پی جی سلنڈرز کی خرید و فروخت سے متعلق بڑی پابندی عائد،اوگرا کیجانب سے نو ٹیفیکیشن جاری

اسلام آباد (قدرت روزنامہ)غیر معیاری ایل پی جی سلنڈر کی خرید و فروخت پر پابندی عائد کرتے ہوئےاوگرا نے نوٹیفکیشن جاری کردیا۔جسکے مطابق غیر مجاز ڈسٹری بیوٹرز کو ایل پی جی فروخت کرنے والی مارکیٹنگ کمپنیوں کے خلاف کارروائی کی جائے گی۔
غیر معیاری سلنڈروں میں گیس فروخت کرنے والوں اور ایل پی جی مارکیٹنگ کمپنیوں کے خلاف کارروائی کی جائے گی۔ اس سلسلے میں ملک بھر کی 313 ایل پی جی مارکیٹنگ اور 19 سلنڈر بنانے والی کمپنیوں کو نوٹس جاری کر دیے گئے ہیں۔ ایل پی جی ری فلنگ کو غیر قانونی اور خطرناک قرار دیا گیا ہے۔
نوٹیفکیشن کے مطابق ایل پی جی کے کاروبار کے لیے نیا ضابطہ اخلاق بنا دیا گیا ہے، ایل پی جی کا کاروبار صرف مجاز ڈسٹری بیوٹرز ہی کر سکتے ہیں۔ اس حوالے سے تمام مانیٹرنگ کے اختیارات ڈی سی اور اے سی کے پاس ہوں گے۔