اسلام آباد(قدرت روزنامہ) پی ٹی آئی رہنما مراد سعید نے احسن اقبال کی جانب سے ہتک عزت کیس میں گزشتہ سماعتیں کالعدم قرار دینے کی درخواست دائر کردی۔ ڈسٹرکٹ اینڈ سیشن کورٹ اسلام آباد میں لیگی رہنما احسن اقبال کی جانب سے ہتکِ عزت کیس میں پی ٹی آئی رہنما مرادسعید نے اپنے وکیل کے ذریعے گزشتہ سماعتیں کالعدم قرار دینے کی درخواست دائر کردی۔
مراد سعید کی جانب سے دائر درخواست میں وکیل نے مؤقف اختیار کیا کہ 15 مئی کو معلوم ہوا کہ مرادسعید کے خلاف یکطرفہ عدالتی کارروائی شروع کرنے کا فیصلہ ہوا، 23 اپریل کو معاون وکیل کو عدالتی عملے نے بتایاکہ آئندہ سماعت 6 جون کو ہے، ہم سمجھے سماعت 6 جون کو ہے، جس کے باعث 6 مئی، 14 مئی کو عدالتی کارروائی چھوٹ گئی۔
درخواست میں عدالت کو بتایا گیا کہ جائزہ لینے کے بعد معلوم ہوا کہ سماعت کی تاریخ اوور رائٹ ہوگئی تھی۔ احسن اقبال نے موقع کا فائدہ اٹھاتے ہوئے 4 سال میں پہلی بار گواہ کا بیان ریکارڈ کروایا۔ غیرحاضری کے باعث احسن اقبال کی درخواست دو بار خارج ہوچکی۔ مرادسعید کے خلاف سازش ہوئی،6 اور 14 مئی کی سماعتوں کو کالعدم قرار دیاجائے اور احسن اقبال کو میرے وکیل کی موجودگی میں دوبارہ شواہد پیش کرنے کی ہدایت دی جائے۔ عدالت کی جانب سے ریکارڈ کی ٹیمپرنگ پر انکوائری کروائی جائے۔
بعد ازاں ایڈیشنل سیشن جج حسینہ ثقلین کی رخصت کے باعث سماعت 4 جون تک ملتوی کردی گئی۔
ممبئی (قدرت روزنامہ)بالی ووڈ کی سینئر اداکارہ امیشا پٹیل کا کہنا ہے کہ وہ سنی…
اسلام آباد (قدرت روزنامہ) رکن قومی اسمبلی شاندانہ گلزار کا کہنا ہے کہ مجھے گرفتار…
لاہور (قدرت روزنامہ) معروف پاکستانی کمنٹیٹراور سابق کرکٹر رمیز راجہ نے ضیاء الحق کے دورا…
اسلام آباد (قدرت روزنامہ) وفاقی بجٹ پر پیپلزپارٹی کے نوجوان ایم این اے نوابزادہ جمال…
ممبئی (قدرت روزنامہ ) بالی وڈ کی معروف اداکارہ سوناکشی سنہا نے اپنے مسلمان دوست…
اسلام آباد (قدرت روزنامہ) پی ٹی آئی کے سینئر رہنما اور رکن قومی اسمبلی علی…