حب، بلوچستان میں صنعتی ترقی کے فروغ کیلئے حکومت عملی اقدامات کررہی ہے ، سیکرٹری انڈسٹریز

کوئٹہ(قدرت روزنامہ)سیکرٹری انڈسٹریز بلوچستان نور احمد پرکانی نے کہا ہے کہ بلوچستان میں صنعتی ترقی کے فروغ کیلئے حکومت عملی اقدامات کررہی ہے حب گڈانی ماربل انڈسٹری اور حب لیڈا کو درپیش مسائل ترجیحی بنیادوں پر حل کئے جائینگے۔ حب بلوچستان میں صنعتی ترقی کے فروغ کیلئے حکومت عملی اقدامات کررہی ہے گڈانی ماربل انڈسٹری اور حب لیڈا کو درپیش مسائل ترجیحی بنیادوں پر حل کئے جائینگے یہ بات سیکرٹری انڈسٹریز بلوچستان نور احمد پرکانی نے دورہ حب ماربل سٹی کے موقع پر حب لیڈا افسران سے گفتگو کرتے ہوئے کہی اس موقع پر حب لیڈا کے مینجنگ ڈائریکٹر فرید احمد خان محمد حسنی ڈائریکٹر ماربل سٹی شفیق احمد قاسمی انکے ہمراہ تھے دورے کے دوران ایم ڈی لیڈا حب اور حب ماربل سٹی ایسوسی ایشن کے نمائندے نے مختلف ماربل پروسیسنگ کے حوالے سے سیکرٹری کو بریفنگ دی اس موقع پر سیکریٹری انڈسٹری و کامرس نے ہدایت دیتے ہوئے کہا کہ حب ماربل سٹی انڈسٹریل اسٹیٹ کو مزید بہتر سہولتیں فراہم کی جائیں تاکہ حب ماربل انڈسٹری کو فروغ حاصل ہو انھوں نے کہا کہ بلوچستان حکومت ایسے صنعتی شعبوں میں خاص دلچسپی رکھتی ہے جو کراچی سے نزدیک ترین ہونے کی وجہ سے حب ماربل زون کے صنعت کاروں کو تمام سہولیات فراہم کی حارہی ہیں جس سے بلوچستان اور پاکستان کی معاشی ترقی وابستہ ہے۔