شیخوپورہ میں 13 سالہ لڑکے کی 5 سالہ لڑکی سے شادی کر د گئی

شیخوپورہ (قدرت روزنامہ )شیخوپورہ میں 13 سال کے لڑکے اور 5 سال کی لڑکی کی شادی میں پولیس نے چھاپا مار کر ایک ملزم کو گر فتار کرلیا .

پولیس کے مطابق شیخوپورہ میں جی ٹی روڈ کی آبادی کوٹ نذیر میں 13 سالہ لڑکے اور 5 سالہ بچی کی شادی کردی گئی جس میں دونوں نابالغ بچوں کے والدین سمیت 8 افراد شریک ہوئے .

شادی کی اطلاع پر مرید کے پولیس نے تقریب پر چھاپہ مارا اور ایک شخص کو پکڑ لیا . مریدکے پولیس کے اے ایس آئی محمد یونس کی مدعیت میں چائلڈ میرج ایکٹ کے تحت مقدمہ درج کرلیا گیا .

پولیس کا کہنا ہے کہ دیگر ملزمان کی گرفتاری کے لیے بھی چھاپے مارے جا رہے ہیں .