اسلام آباد (قدرت روزنامہ)اسلام آباد میں مارگلہ ہلز کی ہائیکنگ ٹریل 5 پر گزشتہ 2 روز سے لاپتا طالب علم کی لاش مل گئی ہے۔
لاپتا نوجوان کی لاش طویل سرچ آپریشن کے بعد مارگلہ ٹریل پر ایک خطرناک کھائی سے ملی۔ ایس پی سٹی اور سرچ ٹیم نوجوان کے لواحقین کے ہمراہ موقع پر موجود ہیں جبکہ نوجوان کی لاش کو کھائی سے نکالنے کے لیے انتظامات کیے جارہے ہیں۔
ابتدائی تفتیش کے مطابق، بظاہر معلوم ہوتا ہے کہ نوجوان راستہ بھٹک گیا تھا اور پاؤں پھسلنے سے کھائی میں گرگیا۔ پولیس کا کہنا ہے کہ مزید تفتیش عمل میں لائی جارہی ہے اور لاش کا پوسٹ مارٹم کروایا جائے گا تاکہ تمام پہلوؤں کا احاطہ کیا جاسکے۔
خیال رہے کہ ہفتے کے روز اسلام آباد کی ہائیکنگ ٹریل 5 پر ایک نوجوان لاپتا ہوگیا تھا جس کے بعد اسلام آباد پولیس نے ریسکیو اینڈ سرچ آپریشن شروع کیا تھا۔
ابتدائی اطلاع کے مطابق لڑکے کے ماموں نے لاش کی شناخت کی، جس کے ساتھ بیگ بھی تھا جس میں موبائل اور دیگر اشیا موجود تھیں۔ سرچ آپریشن میں کوئیک ریسپانس ٹیم، مارگلہ فٹ پٹرول اور ڈرون کیمروں اور سیف سٹی کیمروں کی مدد لی گئی۔
پولیس نے تفتیش کے دائرہ کار کو وسیع کرتے ہوئے مختلف افراد سے پوچھ گچھ شروع کردی گئی ہے جبکہ کیس کے دیگر پہلوؤں پر بھی تفتیش عمل میں لائی جارہی ہے۔
اسلام آباد(قدرت روزنامہ) وزیراعظم شہباز شریف نے کہا ہے کہ عمران خان کو جیل میں…
اسلام آباد(قدرت روزنامہ) قومی اسمبلی میں اپوزیشن لیڈر عمر ایوب نے کہا ہے کہ ان…
کراچی(قدرت روزنامہ)سونے کی عالمی اور مقامی سطح پر قیمت میں آج بھی کمی ریکارڈ ہوئی۔…
اسلام آباد(قدرت روزنامہ )وزیراعظم شہباز شریف نے کہا ہے کہ عمران خان کو جیل میں…
لاہور(قدرت روزنامہ) سابق وفاقی وزیر فواد چودھری نے کہا ہے کہ بانی پی ٹی آئی…
اسلام آباد(قدرت روزنامہ) مرکزی رہنما مسلم لیگ ن حنیف عباسی نے کہا ہے کہ ملک…