اسلام آباد (قدرت روزنامہ)ایف آئی اے انٹرپول اور امیگریشن کی بڑی کارروائی، تخریب کاری جیسے سنگین جرائم میں ملوث اشتہاری ملزم سعودی عرب سے گرفتار۔
ترجمان ایف آئی اے کے مطابق، ملزم کو سعودی عرب سے گرفتار کرکے فلائٹ نمبر SV700کے ذریعے کراچی ائیرپورٹ لایا گیا۔
ملزم راؤ حبیب الرحمان پنجاب پولیس کو مطلوب ہے، ملزم کے خلاف تھانہ فتح شاہ وہاڑی میں انسداد دہشتگردی ایکٹ کی دفعات کے تحت مقدمہ درج ہے۔
ترجمان ایف آئی کے مطابق، ملزم کے خلاف سال 2014 میں مقدمہ درج ہوا، ایف آئی اے این سی بی انٹرپول نے ملزم کی گرفتاری کے لیے ریڈ نوٹس جاری کیا تھا، ملزم کو پنجاب پولیس کے حوالے کردیا جائے گا۔
’مطلوب ملزمان کی گرفتاری کے لیے کارروائیاں تیز کی جائیں گی‘
ملزم کو گرفتار کرنے پر ڈائریکٹر جنرل ایف آئی اے احمد اسحاق جہانگیر نے این سی بی انٹرپول پاکستان کی کارکردگی کو سراہا اور کہا کہ این سی بی انٹرپول پاکستان جدید ٹیکنالوجی سے آراستہ ہے اور 24 گھنٹے پوری دنیا کے ساتھ رابطے میں ہے۔
انہوں نے کہا کہ سنگین جرائم میں مطلوب اشتہاری ملزمان کے لیے دنیا میں کوئی بھی جگہ محفوظ نہیں، ملزمان کی معلومات کے حوالے سے انٹرپول کی کاوشیں قابل ستائش ہیں۔
ڈی جی ایف آئی اے نے مزید کہا کہ سنگین جرائم میں مطلوب عناصر کی گرفتاری کے لیے کارروائیاں مزید تیز کی جائیں گی اور بین الاقوامی اداروں کے ساتھ مضبوط روابط قائم کیے جائیں گے۔سنگین
انہوں نے کہا کہ جرائم میں مطلوب ملزمان کی گرفتاری کے لیے تمام تر وسائل کو بروئے کا لایا جائے گا اور انٹرپول افسران کی ٹریننگ کے لیے خصوصی اقدامات کیے جائیں گے۔
واشنگٹن(قدرت روزنامہ) امریکی کانگریس نے پاکستان کے 8 فروری کو ہونے والے عام انتخابات میں…
اسلام آباد(قدرت روزنامہ) وزیراعظم شہباز شریف نے کہا ہے کہ عمران خان کو جیل میں…
اسلام آباد(قدرت روزنامہ) قومی اسمبلی میں اپوزیشن لیڈر عمر ایوب نے کہا ہے کہ ان…
کراچی(قدرت روزنامہ)سونے کی عالمی اور مقامی سطح پر قیمت میں آج بھی کمی ریکارڈ ہوئی۔…
اسلام آباد(قدرت روزنامہ )وزیراعظم شہباز شریف نے کہا ہے کہ عمران خان کو جیل میں…
لاہور(قدرت روزنامہ) سابق وفاقی وزیر فواد چودھری نے کہا ہے کہ بانی پی ٹی آئی…