ٹریک اینڈ ٹریکس کا دائرہ کار مزید وسیع کرنے کیلئے منصوبہ بندی کر رہے ہیں،چیئرمین ایف بی آر

اسلام آباد(قدرت روزنامہ)چیئرمین ایف بی آر امجد زبیر ٹوانہ نے کہاہے کہ ٹریک اینڈ ٹریکس کا دائرہ کار مزید وسیع کرنے کیلئے منصوبہ بندی کر رہے ہیں،نان فائلرز کو ٹیکس نیٹ میں لانے کیلئے فنانس بل میں اقدامات کئے جائیں گے۔

نجی ٹی وی چینل دنیا نیوز کے مطابق چیئرمین ایف بی آر نے آئندہ بجٹ تجاویز پر غیررسمی گفتگو کرتے ہوئے کہاکہ آئندہ مالی ایف بی آر کا ٹارگٹ ساڑھے 12ہزار ارب روپے سے زائد ہو سکتا ہے ،ٹیکس ہدف اور ٹیکس کلیکشن کیلئے مختلف تجاویز زیرغور ہیں،ان کاکہناتھا کہ تاجر دوست سکیم کی رجسٹریشن آئندہ مالی سال مزید بڑھائی جائےگی،ٹریک اینڈ ٹریس سسٹم کارکردگی کو بہتر بنانے کی کوشش کی جارہی ہے،کوشش کررہے ہیں رواں مالی سال کا ٹیکس ہدف مکمل کیا جائے،چیئرمین ایف بی آر نے کہاکہ ٹریک اینڈ ٹریکس کا دائرہ کار مزید وسیع کرنے کیلئے منصوبہ بندی کر رہے ہیں،نان فائلرز کو ٹیکس نیٹ میں لانے کیلئے فنانس بل میں اقدامات کئے جائیں گے۔