اسلام آباد (قدرت روزنامہ)وزیر اعظم میاں محمد شہباز شریف نے کہا کہ ایگریکلچر ڈیمانسٹریشن زونز کا قیام سی پیک کے اگلے مرحلے کے حوالے سے اہم منصوبہ ہوگا، چین پاکستان کی معاشی ترقی میں اہم شراکت دار ہے۔ حکومت چینی صنعت کاروں اور سرمایہ کاروں کو ہر ممکن سہولیات فراہم کرے گی۔
پاکستان اور چین کے درمیان مختلف شعبوں میں تعاون بڑھانے سے متعلق اہم جائزہ اجلاس ہوا، وزیراعظم محمد شہباز شریف نے اجلاس کی صدارت کی۔ اجلاس میں مختلف وفاقی وزارتوں کی جانب سے دو طرفہ معاشی تعلقات کے حوالے سے تجاویز بھی پیش کی گئیں۔
وزیر اعظم شہباز شریف نے کہا کہ چین پاکستان کی معاشی ترقی میں اہم شراکت دار ہے، چینی انڈسٹری کو پاکستان میں صنعتیں لگانے کی دعوت دیتے ہیں، پاکستان چین کے ساتھ ترجیحی بنیادوں پر شعبوں میں تعاون بڑھانے کا خواہاں ہے۔
وزیراعظم نے کہا کہ حکومت چینی صنعت کاروں اور سرمایہ کاروں کو ہر ممکن سہولیات فراہم کرے گی، پاکستان میں مقیم چینی باشندوں کو فول پروف سیکیورٹی فراہم کی جائے گی، چینی شہریوں کی سیکیورٹی کے حوالے سے جامع پلان ترتیب دیا گیا ہے۔
انہوں نے کہا کہ سی پیک کے اگلے مرحلے کے حوالے سے بھرپور تیاری کر رہے ہیں، چینی تعاون سے گوادر بندرگاہ کو لاجسٹکس کا حب بنایا جائے گا۔ ایگریکلچر ڈیمانسٹریشن زونز کا قیام سی پیک کے اگلے مرحلے کے حوالے سے اہم منصوبہ ہو گا۔
وزیر اعظم نے ہدایت کی کہ متعلقہ وزارتیں پاکستان چین کے تعاون کے نئے منصوبوں کے حوالے سے تیاری کریں، بزنس ٹو بزنس روابط بڑھانے کے لیے اقدامات اٹھائیں۔ انہوں نے کہا کہ برآمدات بڑھانے کے حوالے سے چین پاکستان کا مددگار ثابت ہو سکتا ہے۔
اسلام آباد (قدرت روزنامہ)بلوچستان میں موجودہ دور حکومت میں مزید 542 اسکولز بند ہوگئے، صوبے…
اسلام آباد (قدرت روزنامہ)قومی اسمبلی میں قائد حزب اختلاف عمر ایوب نے تصدیق کی ہے…
کراچی(قدرت روزنامہ)متحدہ قومی موومنٹ (ایم کیو ایم) پاکستان کے رہنما اور قومی اسمبلی کی قائمہ…
اسلام آباد(قدرت روزنامہ) پشتونخوا ملی عوامی پارٹی کے سربراہ محمود خان اچکزئی نے کہا ہے…
اسلام آباد (قدرت روزنامہ) پاکستان مسلم لیگ ن کے سینیٹر طلال چوہدری نے کہا ہے…
اسلام آباد ( قدرت روزنامہ ) اپوزیشن لیڈر عمر ایوب کا بطور سیکرٹری جنرل پی…