کوئٹہ(قدرت روزنامہ)بلوچستان حکومت کی جانب سے یونیورسٹی ملازمین کی تنخواہ جاری کرنے کا اعلان کردیا گیا، جس کے بعد بلوچستان یونیورسٹی ملازمین کا 90 روز سے جاری دھرنا ختم ہوگیا۔ صوبائی وزیر تعلیم راحیلہ حمید درانی بلوچستان یونیورسٹی کے ملازمین کی تنخواہوں کی عدم ادائیگی کے خلاف قائم احتجاجی دھرنے میں پہنچ گئیں، جہاں انہوں نے اساتذہ سے مذاکرات کیے، جس کے بعد دھرنا ختم کرنے کا اعلان کردیا گیا۔
صوبائی وزیر نے کہا کہ مجھے افسوس ہے کہ میرے اساتذہ کلاسوں کے بجائے سڑکوں پر تھے۔ میں ملازمین کو جون تک کی تنخواہوں کی ادائیگی کا اعلان کرتی ہوں۔ انہوں نے کہا کہ ملازمین کو تنخواہوں کہ حصول کے لیے سڑکوں پر نہیں آنا چاہیے۔ تنخواہ دار طبقے کا گھر تنخواہ پر چلتا ہے۔ میری خواہش ہے کہ اساتذہ کے تمام مسائل حل ہو ں۔
انہوں نے کہا کہ وزیر اعلیٰ بلوچستان سرفراز بگٹی اور صوبائی وزیر خزانہ شعیب نوشیروانی کی کاوشوں سے یونیورسٹی ملازمین کے واجبات ادا ہورہے ہیں۔ کوشش ہے کہ آئندہ بجٹ میں جامعات کے اساتذہ کےلیے پورے سال کی رقم مختص ہو۔ جامعات کے اساتذہ کے مسائل کا مستقل حل چاہتے ہیں۔ بعد ازاں یونیورسٹی ملازمین کی جانب سے 90 روز سے جاری دھرنا ختم کرنے کا اعلان کردیا گیا۔
لاہور (قدرت روزنامہ)بالی وڈ کے سپر اسٹار اور فلم انڈسٹری میں بھائی جان کے نام…
اسلام آباد (قدرت روزنامہ)کرکٹ کے میدان میں مخالف ٹیموں کے چھکے چھڑانے والے سابق آسٹریلوی…
اسلام آباد (قدرت روزنامہ)اسپیکر قومی اسمبلی نے اسمبلی سیکرٹریٹ کے اخراجات میں کمی لانے کے…
اسلام آباد (قدرت روزنامہ)لاہور ہائیکورٹ کے جسٹس فاروق حیدر نے جلسے کی اجازت اور جلسہ…
اسلام آباد (قدرت روزنامہ)حکومت نے مئی کے بعد سے اب تک پیٹرولیم مصنوعات کی قیمتوں…
اسلام آباد (قدرت روزنامہ)زمبابوے کی حکومت نے خشک سالی اور جنگلات میں لگنے والی آگ…