گوادر(قدرت روزنامہ)مکران کوسٹل ہائی وے پر گاڑیوں میں لگی غیر نمونہ اور غیر معیاری سرچ لائٹس کے خلاف ایک بڑی کارروائی کا آغاز ہوگیا ہے۔ ڈی آئی جی کوسٹل ہائی وے پولیس N-10 برکت حسین کھوسہ کی ہدایات پر یہ مہم شروع کی گئی ہے۔ اس مہم کا مقصد موٹر سائیکلوں اور گاڑیوں میں استعمال ہونے والی غیر معیاری اور خطرناک سرچ لائٹس کو ختم کرنا ہے۔ ایس پی زون 2 گوادر عبدالواحد بلوچ کی ہدایات پر، ڈی ایس پی اسلم بنگلزئی کی زیر نگرانی کوسٹل ہائی وے پولیس کے جوانوں نے مختلف مقامات پر کارروائی کی۔ اس دوران کئی موٹر سائیکلوں اور گاڑیوں سے غیر نمونہ اور غیر معیاری سرچ لائٹس ہٹائی گئیں اور انہیں ناکارہ بنا دیا گیا۔ یہ کارروائی عوام کی شکایات کے بعد عمل میں لائی گئی ہے۔ عوام کی جانب سے یہ شکایت کی گئی تھی کہ مکران کوسٹل ہائی وے پر غیر معیاری سرچ لائٹس کے باعث سفر غیر محفوظ ہو گیا ہے۔ عوام کی درخواست پر فوری نوٹس لیتے ہوئے ڈی آئی جی برکت حسین کھوسہ نے ان غیر معیاری لائٹس کے خلاف کارروائی کے احکامات جاری کیے۔ کوسٹل ہائی وے پولیس نے موٹر سائیکل اور گاڑی مالکان کو ہدایت کی ہے کہ وہ رضاکارانہ طور پر اپنی سواریوں سے غیر معیاری اور ممنوعہ سرچ لائٹس ہٹا دیں، تاکہ دورانِ کارروائی کسی قسم کی پریشانی کا سامنا نہ کرنا پڑے۔ یہ مہم نہ صرف سفر کو محفوظ بنانے کے لیے ہے بلکہ اس سے دیگر مسافروں کو درپیش مشکلات کو بھی دور کیا جا سکے گا۔ کوسٹل ہائی وے پولیس کی یہ کارروائی عوامی تحفظ اور سہولت کو مد نظر رکھتے ہوئے جاری رہے گی۔
سلام آباد(قدرت روزنامہ)وفاقی وزیرداخلہ محسن نقوی کی پنجگور کے علاقے میں فائرنگ کے واقعہ کی…
کوئٹہ(قدرت روزنامہ)وزیر اعلٰی بلوچستان میر سرفراز بگٹی کی پنجگور میں مزدوروں کے بہمانہ قتل کی…
کوئٹہ)(قدرت روزنامہ) بلوچستان کے علاقے پنجگور میں ایک گھر پر فائرنگ کے نتیجے میں 7…
لاہور(قدرت روزنامہ ) مسلم لیگ (ن) کے صدر محمد نواز شریف اوروزیراعلیٰ پنجاب مریم نوازسے…
نیویارک (قدرت روزنامہ)وزیر دفاع خواجہ آصف نے کہا ہے کہ وزیراعظم شہباز شریف نے اقوام…
اسلام آباد(قدرت روزنامہ)پاکستان تحریک انصاف کے ذرائع کا کہنا ہے کہ احتجاج ختم اور برہان…