اسلام آباد (قدرت روزنامہ)معروف سماجی کارکن صارم برنی کا انسانی اسمگلنگ کے الزام میں گرفتاری سے قبل آخری ویڈیو پیغام منظرعام پر آگیا ہے جو سوشل میڈیا پر وائرل ہو رہا ہے۔
سوشل میڈیا پلیٹ فارم فیس بک پر صارم برنی نے ویڈیو پیغام جاری کیا تھا جس میں انہوں نے لوگوں کے الزامات کے جوابی وار کرنے کی وارننگ دی تھی۔
ویڈیو پیغام میں صارم برنی کا کہنا تھا کہ ،’بہت سارے لوگوں نے میری ذات پر کیچڑ اچھالا ہے، انشااللہ انہیں بہت جلد ثبوت کے ساتھ بھرپور جواب دوں گا، ہمیشہ چپ رہا ہوں لیکن اب بولوں گا اور جو نہیں بولنا چاہتا تھا وہ بھی بولوں گا۔’
انہوں نے مزید کہا ’میں نے کبھی وہ کام کیے نہیں، آپ لوگوں نے سنیں ہوں گے اور نہ ہی کبھی دیکھے ہوں گے، لیکن کچھ لوگوں نے مجھے بولنے پر مجبور کردیا ہے، آخر میں کب تک چپ رہوں اور وہ میری ذات پر کیچڑ اچھالتے رہیں۔’
صارم برنی کا کہنا تھا کہ ہر چیز برداشت ہے مگر کردار پر اٹھنے والی انگلی برداشت نہیں، لوگ صرف ہوا میں تیر چلاتے ہیں۔ میں ثبوت کےساتھ بات کروں گا، نیکی کے کام بہت سے لوگ کرتے ہیں لیکن مجھے میرے اللہ نے خاص طور پر عزت سے نوازا ہے۔ میں لوگوں کو ان کے الزامات کا خود بھی جواب دوں گا اور اللہ سے بھی انصاف کا طلب گار ہوں۔
خیال رہے کہ آج بروز 5 جون کو وفاقی تحقیقاتی ادارے (ایف آئی اے) کے حکام کے مطابق صارم برنی کو امریکی حکومت کی شکایت پر حراست میں لیا گیا ہے۔
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…
اسلام آباد(قدرت روزنامہ)وزیراعظم پاکستان میاں شہباز شریف نے کہا ہے کہ آئی ایم ایف سے…
لاہور ( قدرت روزنامہ ) وزیر اطلاعات پنجاب عظمیٰ بخاری نے گورنر پنجاب کے بیان…
اسلام آباد(قدرت روزنامہ) وفاقی کابینہ سے سپریم کورٹ پریکٹس اینڈ پروسیجر ترمیمی آرڈیننس 2024 کی…
اسلام آباد(قدرت روزنامہ)قومی اسمبلی میں قائد حزب اختلاف اور پاکستان تحریک انصاف (پی ٹی آئی)…
اسلام آباد(قدرت روزنامہ) اسپیکر قومی اسمبلی ایاز صادق نے الیکشن کمیشن کو خط لکھ دیا…