اسلام آباد (قدرت روزنامہ)ڈپٹی کمشنر جہلم نے اساتذہ کو گرمیوں کی تعطیلات کے دوران فلمیں دیکھنے کی ہدایت جاری کرنے والے ڈپٹی ڈسٹرکٹ ایجوکیشن آفیسر کو معطل کر دیا ہے، اس ضمن میں ڈی سی آفس سے باقاعدہ نوٹیفکیشن بھی جاری کر دیا گیا ہے۔
ڈپٹی کمشنر جہلم سیدہ رملہ علی نے کہا کہ ڈپٹی ڈسٹرکٹ ایجوکیشن آفیسر راؤ عبد الکریم کے خلاف اساتذہ کو گرمیوں کی تعطیلات کے دوران فلمیں دیکھنے کی ہدایت پر مبنی نوٹیفکیشن جاری کرنے کے خلاف انکوائری جاری ہے۔ ابھی انکوائری کمیٹی نے راؤ عبد الکریم کو نوکری سے معطل کرنے کا فیصلہ کیا جس پر ڈی سی آفس نے ڈپٹی ڈسٹرکٹ ایجوکیشن آفیسر راؤ عبد الکریم کو نوکری سے فوری معطل کر دیا۔
واضح رہے کہ صوبہ پنجاب کے شہر جہلم کے ڈپٹی ڈسٹرکٹ ایجوکیشن آفیسر نے اساتذہ کو گرمیوں کی تعطیلات کے دوران ہالی ووڈ اور بالی ووڈ فلمیں دیکھنے کی ہدایت جاری کی تھی۔ اساتذہ کو بالی ووڈ کی فلمیں تارے زمین پر، ہچکی، بلیک، میں ہوں کلام، سوادیس جبکہ ہالی ووڈ فلمیں اے بیوٹی فل مائنڈ، فورسٹ گمپ، تھیوری آف ایوری تھنگ، پارٹ آف ہیپی نیس، گُڈ ڈایناسور، وال ای، گڈ وِل ہنٹنگ، گریٹ ڈیبیٹرز، اسپرٹ، اَپ اور اسپرٹڈ اوے جیسی فلمیں دیکھنے کی ہدایت کی گئی تھی۔
ڈپٹی ڈسٹرکٹ ایجوکیشن آفیسر راؤ عبد الکریم کی جانب سے نوٹیفکیشن جاری ہونے کے فوراً بعد جہلم کے ڈپٹی کمشنر نے نوٹیفکیشن کو سرکاری طور پر منسوخ کر دیا تھا، جس کے بعد سیاست دان فواد چوہدری اور سوشل میڈیا صارفین کی جانب سے مذکورہ نوٹیفکیشن کے حوالے سے تنقید کی گئی تھی۔
سکھر (قدرت روزنامہ) قریشی گوٹھ میں لوڈر رکشہ تالاب میں گر گیا، حادثے میں خاتون…
لاہور(قدرت روزنامہ)پنجاب حکومت نے پاکستان تحریک انصاف (پی ٹی آئی) کو ایس او پیز کے…
کوئٹہ (قدرت روزنامہ)سریاب روڈ پر سیشن کورٹ میں خاتون وکیل نے دیگر وکلا کے ساتھ…
لندن (قدرت روزنامہ) کورونا وائرس کی نئی قسم نے 27 ممالک کو اپنی لپیٹ میں…
ملتان (قدرت روزنامہ)جمعیت علما اسلام (جے یو آئی) کے سربراہ مولانا فضل الرحمان کا کہنا…
ممبئی(قدرت روزنامہ)بھارتی کرکٹ ٹیم کے سینیئر بیٹر اور سابق کپتان ویرات کوہلی بنگلہ دیش کے…