پاکستان سے چیری کی پہلی کھیپ چین پہنچ گئی

اسلام آباد (قدرت روزنامہ) پاکستان نے زمینی راستے سے چین کو چیری درآمد کرنا شروع کردی ہے اور اس سلسلے میں پہلی کھیپ چین پہنچ چکی کی .
نیشنل لاجسٹک کمپنی کے مطابق چیری سے لدا این ایل سی کا ریفر ٹرک گلگت بلتستان سے روانہ ہوا تھا جس پر 6 میٹرک ٹن چیری لوڈ کی گئی تھی، ٹرک خنجراب کے راستے چین کے شہر تاشکرگن پہنچ گیا .

این ایل سی کا ٹرک گلگت بلتستان سے صرف 3 دن میں چین پہنچا، این ایل سی کے ریفر کنٹینر نے دوران ترسیل چیری کی تازگی کو برقرار رکھا . بین الاقوامی معیار کو برقرار رکھنے کیلئے چیری کی گلگت بلتستان میں خصوصی پلانٹ پر ٹریٹمنٹ کی گئی، چیری کی دوسری کھیپ اگلے ہفتے چین روانہ ہوگی .

خیال رہے کہ رواں سال 500 ٹن چیری چین پہنچائی جائے گی جس سے ملک کو کثیر زرمبادلہ حاصل ہوگا .