وقت نے ثابت کیا کہ چین اور دیگر ممالک مسلم لیگ کی قیادت پر بھرپور اعتماد کرتے ہیں:مریم نواز

لاہور (قدرت روزنامہ ) وزیر اعلیٰ مریم نواز نے وزیر اعظم شہباز شریف کو چین کے کامیاب دورے پر مبارکباد دی ہے- وزیر اعلیٰ نے وزیر اعظم شہباز شریف کی ملکی ترقی و خوشحالی کی کاوشوں کو خراج تحسین پیش کیا- انہوں نے کہا کہ قائد محمد نواز شریف کی رہنمائی میں معیشت استحکام کی جانب گامزن ہے-سی پیک پراجیکٹس کی تکمیل میں تیزی آئے گی-وزیر اعظم شہباز شریف نےدورہ یو اے ای کے بعد چین میں بھی بہترین سفارت کاری سے ملکی ترقی خوشحالی کی راہ ہموار کر دی –
وزیراعلیٰ مریم نواز نے کہا کہ وقت نے ثابت کیا ہے کہ چین اور دیگر ممالک پاکستان مسلم لیگ کی قیادت پر بھرپور اعتماد کرتے ہیں -چین کے سرمایہ کاروں کی شراکت داری پر آمادگی معاشی ترقی کے راہ کھولے گی۔ پاک چین تعلقات چٹان کی طرح مضبوط اورسربلندہیں۔ پاکستان اور چین کا علاقائی امن واستحکام اور ترقی و خوشحالی کے لیے مل کر کام کرنے کا عزم قابل تحسین ہے۔

انہوں نے کہا کہ الحمدُللّہ ملک اچھے معاشی حالات کی جانب رواں دواں ہے-آٹا، روٹی اور دیگر ضروری اشیاء کے نرخ میں کمی کا رجحان خوش آئندہے-محمد نواز شریف کی قیادت میں مسلم لیگ (ن )کی حکومت عوام کی معاشی ترقی کے لیے دن رات کام کر رہی ہے-