علی امین گنڈاپور نے بھی صوبے کے تمام اضلاع میں 14 جون کو بھرپور احتجاج کی ہدایت کردی
پشاور(قدرت روزنامہ)سابق وزیراعظم عمران خان کی رہائی کے لیے پاکستان تحریک انصاف (پی ٹی آئی) نے ملک گیر احتجاج شروع کرنے کا فیصلہ کرلیا جبکہ وزیر اعلی علی امین گنڈاپور نے بھی صوبے کے تمام اضلاع میں 14 جون کو بھرپور احتجاج کرنے کی ہدایت کردی۔
وزیر خوراک خیبر پختونخوا ظاہر شاہ طورو نے بتایا کہ عمران خان کی رہائی کے لیے پی ٹی آئی نے ملک گیر احتجاج شروع کرنے کا فیصلہ کیا ہے، 14 جون کو ملک بھر میں احتجاجی مظاہرے ہوں گے۔
انہوں نے کہا کہ وزیر اعلیٰ خیبر پختونخوا علی امین گنڈا پور نے بھی صوبے کے تمام اضلاع میں 14 جون کو بھرپور احتجاج کرنے کا اعلان کیا ہے، احتجاج میں عمران خان کے خلاف بنائے گئے جعلی کیسز کی بھرپور مذمت کی جائے گی۔
ظاہر شاہ طورو نے کہا کہ آئین اور قانون کی خلاف ورزی کی اجازت کسی کو نہیں دیں گے، مردان میں احتجاجی مظاہرہ شام پانچ بجے ہوگا، مظاہرے میں مقامی ایم پی ایز اور رہنما شرکت کریں گے اور کارکنوں سے خطاب کریں گے، کارکن اور عوام اس مظاہروں میں بھرپور انداز میں شرکت کریں گے۔
ممبئی(قدرت روزنامہ) بالی ووڈ کی معروف اداکارہ نرگس فخری نے ان اداکاروں کے نام بتائے…
ممبئی(قدرت روزنامہ) بالی وڈ اداکار شاہد کپور نے تصدیق کر دی ہے کہ وہ وشال…
لاہور(قدرت روزنامہ) پی ٹی آئی رہنما شاہ محمود قریشی نے کہا ہے کہ بلاول اپنے…
فیصل آباد(قدرت روزنامہ)پاکستان کرکٹ ٹیم کے آل راؤنڈر فہیم اشرف نے کہا ہے کہ شاید…
کراچی(قدرت روزنامہ)سونے کی عالمی اور مقامی مارکیٹوں میں قیمت تاریخ کی بلند ترین سطح پر…
لاہور(قدرت روزنامہ)پاکستان تحریک انصاف کے رہنما شاہ محمود قریشی نے کہا ہے کہ بلاول اپنے…