” اگر خدا نخواستہ ایسا ہوا تو اپنی صفائی پیش کرنے کا موقع تک نہیں ملے گا”اداکار عمران عباس نےپیغام جاری کردیا
لاہور (قدرت روزنامہ) پاکستانی سمیت بھارتی فلموں میں بھی اداکاری کے جوہر دکھانے والے مقبول اداکار عمران عباس نے سوشل میڈیا اکاؤنٹ ہیک ہونے اور گستاخانہ مواد کے پھیلاؤ کے حوالے سے خبر دار کر دیا .
آج نیوز کے مطابق اس حوالے سے ایک اہم پوسٹ اداکار کی جانب سے اپنے سوشل میڈیا اکاؤنٹ انسٹاگرام پر پوسٹ کی گئی جس میں انہوں نے اپنے نام سے ملتے جلتے فیک اکاؤنٹ پر فحش مواد نشر ہونے سے متعلق مداحوں کو آگاہ کیا .
عمران عباس کی جانب سے اظہار لاتعلقی کے نام سے پاکستانی اسٹامپ پیپر کی تصویر پوسٹ کی گئی جس پر لکھا تھا کہ حالیہ دنوں میں سنگین معاملے نے جنم لیا ہے کہ اگر خدا نخواستہ ایسا ہوا تو آپ کو اپنی صفائی پیش کرنے کا موقع تک نہیں ملے گا .
اداکار نے لکھا کہ سوشل میڈیا پر آپکے اکاؤنٹ کو ہیک کیا جارہا ہے اور اس پر گستاخانہ فرقہ وارانہ اور فحش مواد شئیر کیا جارہا ہے . ایسی صورتحال میں اگر میرے سوشل میڈیا اکاؤنٹ سے اس طرح کی کوئی غیر اخلاقی یا گستاخانہ پوسٹ یا میسج شئیر ہوتا ہے تو اس سے میرا کسی قسم کا کوئی تعلق یا واسطہ نہیں ہوگا’ .
View this post on Instagram
آخر میں انہوں نے لکھا اگر ایسا کچھ بھی دیکھیں تو آپ ذاتی طور پر مجھ سے رابطہ کر کے مجھ سے وضاحت طلب کر سکتے ہیں . عمران عباس کی مذکورہ پوسٹ وائرل ہونے کے بعد سوشل میڈیا صارفین تشویش کا شکار ہوگئے ہیں .
. .