اسلام آباد (قدرت روزنامہ)قومی کرکٹ ٹیم کے سابق ڈائریکٹر محمد حفیظ کا ایک بیان سوشل میڈیا پر وائرل ہو رہا ہے جس میں وہ کہتے ہیں کہ ٹیسٹ کرکٹ کے دوران 4 سے 5 کھلاڑی ڈریسنگ روم میں سو رہے تھے، جس پر انہوں نے کھلاڑیوں سے کہا کہ میچ کے دوران آپ کس طرح سو سکتے ہیں اور جو کھلاڑی میچ کے دوران ایسا کریں گے وہ ٹیم کا حصہ نہیں ہو سکتے۔
محمد حفیظ کا کہنا تھا کہ انہوں نے کھلاڑیوں سے کہا کہ میچ کے دوران اپنا فوکس رکھیں اور اپنی پوری توجہ میچ پر دیں۔ میچ کے بعد کھلاڑی کچھ بھی کریں وہ اس میں مداخلت نہیں کریں گے کیونکہ وہ ان کی نجی زندگی ہے۔
ویڈیو پر صارفین کی جانب سے مختلف تبصرے کیے جا رہے ہیں۔ ایک صارف نے لکھا کہ اس میں کوئی تعجب کی بات نہیں کہ اس کے بعد محمد حفیظ کو سائیڈ پر کر دیا گیا کیونکہ انہوں نے کھلاڑیوں کو اپنا معمول کا کام نہیں کرنے دیا۔
ایک صارف نے محمد حفیظ کو آڑے ہاتھوں لیتے ہوئے کہا کہ ہر کوئی تھوڑی دیر کے لیے آرام کر سکتا ہے یہ کوئی ملٹری کیمپ نہیں ہے جہاں اس کی اجازت نہ ہو۔
ایک ایکس صارف نے کہا کہ شکر ہے محمد حفیظ کو قومی ٹیم کے ڈائریکٹر کے عہدے سے ہٹا دیا گیا۔ انہوں نے سابق کپتان پر تنقید کرتے ہوئے کہا کہ ہر کھلاڑی مختلف ہوتا ہے۔ کچھ اپنی بے چینی دور کرنے کے لیے موسیقی سنتے ہیں تو چند ایسے بھی ہیں جو آرام کر لیتے ہیں اور ان میں سے اکثرعظیم کھلاڑی ہیں۔
اسامہ ظفر لکھتے ہیں کہ جنوبی افریقہ کی کرکٹ ٹیم کے سابق آل راﺅنڈر جیک کیلس لائیو میچز کے دوران سوتے تھے اور پھر سنچریاں بھی اسکور کرتے تھے۔ صارف نے محمد حفیظ کو آڑے ہاتھوں لیتے ہوئے کہا کہ اس پی ٹی ماسٹر نے نہ جانے کتنے پاکستانی کیلس تباہ کر دیے ہیں۔
کراچی (قدرت روزنامہ) حکومت نے گیس کی فراہمی کے لیے گھریلو اور کمرشل صارفین کو…
کراچی (قدرت روزنامہ) سوزوکی آلٹو پاکستان میں ایندھن کی بچت، جدید ڈیزائن اور متاثر کن…
مردان (قدرت روزنامہ)وزیراعلیٰ خیبرپختونخوا علی امین گنڈاپور نے کہا ہے کہ ہر رکاوٹ عبور کرکے…
کوئٹہ(قدرت روزنامہ ) محکمہ ریلویز نے 11 اکتوبر سے کوئٹہ سے ٹرین سروس بحال کرنے…
کرا چی (قدرت روزنامہ) عالمی مارکیٹ کے زیراثر پاکستان میں ہفتہ وار بنیادوں پر فی…
اسلام آباد (قدرت روزنامہ)ملک میں بجلی چوری کے خلاف کریک ڈاؤن میں 118 ارب روپے…