گرفتار کرکے پوچھا گیا کہ بلاول کی پارٹی جوائن کریں گی یا مریم نواز کی؟ شاندانہ گلزار کا قومی اسمبلی میں خطاب

اسلام آباد (قدرت روزنامہ) رکن قومی اسمبلی شاندانہ گلزار کا کہنا ہے کہ مجھے گرفتار کرکے پوچھا گیا کہ بلاول بھٹو کی پارٹی جوائن کریں گی یا مریم نواز کی

قومی اسمبلی میں خطاب کرتے ہوئے شاندانہ گلزار کاکہنا تھا کہ طیبہ راجہ کو بالوں سے گھسیٹا گیا، میں ہمیشہ حق کے لئے لڑتی ہوں .

انہوں نے کہا کہ یہ بجٹ عوام کو برباد کرنے کے لیے ہے، مالداروں کے ہسپتال لندن میں ہیں، یہاں کے غریب عوام کیا کریں گے؟ کہا جاتا ہے ووٹ کو عزت دو، ووٹ کی دھجیاں اُڑا دی گئی ہیں، اس ملک پر 2جماعتوں کا راج رہا ہے، یہ بجٹ عوام کو برباد کرنے کے لیے ہے .

ان کا مزید کہنا تھا کہ عمران خان کے ہوتے ہوئے کے پی میں دہشت گرد نہیں تھے، اب کے پی میں دہشت گرد آگئے، جمہوریت بہترین انتقام ہے، 2سال میں پاکستان سے 15 لاکھ پڑھے لکھے بچے بچیاں چلے گئے ہیں .