کوئٹہ سمیت بلوچستان بھر میں ایل پی جی کی قیمت میں 50 روپے فی کلو اضافہ

کوئٹہ(قدرت روزنامہ)کوئٹہ سمیت بلوچستان بھر میں ایل پی جی کی قیمت میں 50 روپے فی کلو اضافہ کردیا گیاچیئرمین بلوچستان ایل پی جی ڈسٹری بیوٹرز ایسوسی ایشن کے مطابق ایل پی جی مارکیٹنگ کمپنیوں اور پلانٹ مافیا نے سرکاری قیمت کے بجائے اپنی من مانی قیمت پر ایل پی جی فروخت کرنا شروع کر دی ہے اور قیمت میں بلاجواز 50 روپے فی کلو گرام کا اضافہ کر دیا ہے انہوں نے کہا کہ ایل پی جی مارکیٹنگ کمپنیوں کی بلیک مار کیٹنگ دھڑلے سے جاری ہے اور ملک بھر میں سرکاری قیمت پر کسی بھی جگہ ایل پی جی دستیاب نہیں ہے۔ اوگرا نے 234 روپے 60 پیسے قیمت مقر ر کی تھی ، جب کہ مارکیٹ میں گیس 280 روپے سے 285 روپے فی کلو پر فرخت ہو رہی ہے ایل پی جی کی قیمت میں اضافے کے بعد گھریلو سلنڈر 600 روپے اور کمرشل سلنڈر 2250 روپے تک مہنگا ہوگیا ہیگھریلو سلنڈر کی سرکاری قیمت 2770 کی جگہ3370 روپے میں فروخت جاری ہے۔ اسی طرح کمرشل سلنڈر بھی 10715 کی جگہ 12435 میں فروخت کیا جا رہا ہے انہوں نے کہا کہ حکومت نے گیس مافیا کے سامنے گھٹنے ٹیک دیے ہیں حکومت جب تک ایل پی جی کے طاقتور مافیا کو نہیں پکڑے گی تب تک بلیک مارکیٹنگ بند نہیں ہوگی