اسلام آباد (قدرت روزنامہ)پاکستانی ڈراموں اور فلموں کی معروف اداکارہ مہوش حیات نے بالی ووڈ فلموں میں کام نہ کرنے کی وجہ بتا دی۔
ایک آن لائن پلیٹ فارم پر انٹرویو کے دوران خوبرو پاکستانی اداکارہ نے انکشاف کیا کہ انہیں بالی ووڈ کی متعدد فلموں میں کام کی پیشکش ہوئی تاہم انہوں نے منع کردیا۔
مہوش حیات نے کہا کہ بالی ووڈ فلموں کی آفرز مسترد کرنے کی ایک ٹھوس وجہ تھی اور وہ اپنے اس فیصلے سے نہایت خوش اور مطمئن ہیں۔
اداکارہ نے کہا، ’میرے پاس پاکستان میں ہی کام کے بے شمار مواقع موجود ہیں، میں پاکستانی سینما کی کامیاب ترین فلموں کا حصہ رہی ہوں، مجھے اپنے ملک میں بہت عزت اور محبت ملی ہے، یہی وجہ ہے کہ میں نے بالی ووڈ آفرز کو قبول نہیں کیا۔‘
مہوش حیات نے مزید کہا، ’میں پاکستان میں اپنے کام کو انجوائے کررہی ہوں، میری فلموں کو لوگ فیمیلیز کے ساتھ دیکھنے آتے ہیں جو کہ ایک بڑی کامیابی ہے۔‘
پاکستانی پروڈیوسرز سے متعلق ایک سوال کے جواب میں انہوں نے کہا کہ بعض پروڈیوسرز اداکاروں کو معاوضہ دینے میں تاخیر کرتے ہیں اور ایک وقت ایسا آتا ہے کہ اداکار پروڈیوسر سے اپنے ہی پیسوں کا تقاضا کرتے ہوئے شرمندگی محسوس کرتے ہیں۔
انہوں نے کہا کہ پروڈیوسرز کو شرمندگی محسوس نہیں ہوتی، انہیں یہ احساس کرنا چاہیے کہ ایکٹرز نے بھی اپنے بلز کی ادائیگی کرنی ہوتی ہے، پروڈیوسرز کو چاہیے کہ وقت پر ادائیگی کریں تاکہ اداکار آئندہ بھی ان کے ساتھ کام کرسکیں۔
سلام آباد(قدرت روزنامہ)وفاقی وزیرداخلہ محسن نقوی کی پنجگور کے علاقے میں فائرنگ کے واقعہ کی…
کوئٹہ(قدرت روزنامہ)وزیر اعلٰی بلوچستان میر سرفراز بگٹی کی پنجگور میں مزدوروں کے بہمانہ قتل کی…
کوئٹہ)(قدرت روزنامہ) بلوچستان کے علاقے پنجگور میں ایک گھر پر فائرنگ کے نتیجے میں 7…
لاہور(قدرت روزنامہ ) مسلم لیگ (ن) کے صدر محمد نواز شریف اوروزیراعلیٰ پنجاب مریم نوازسے…
نیویارک (قدرت روزنامہ)وزیر دفاع خواجہ آصف نے کہا ہے کہ وزیراعظم شہباز شریف نے اقوام…
اسلام آباد(قدرت روزنامہ)پاکستان تحریک انصاف کے ذرائع کا کہنا ہے کہ احتجاج ختم اور برہان…