ممبئی (قدرت روزنامہ )بھارت کی معروف اداکارہ حنا خان میں چھاتی کے کینسر کی تشخیص ہوئی ہے .
تفصیلات کے مطابق اداکارہ نے اپنے آفیشل انسٹاگرام ہینڈل پر پوسٹ جاری کرتے ہوئے دعاؤں کی اپیل کی ہے .
حنا خان کا کہنا تھا کہ جو لوگ ان سے پیار کرتے ہیں وہ انہیں بتانا چاہتی ہیں کہ ان میں اسٹیج تھری بریسٹ کینسر کی تشخیص ہوئی ہے لیکن اس موذی مرض کی تشخیص کے باوجود وہ اس بیماری پر قابو پانے کے لیے پرعزم اور مضبوط ہیں .
اداکارہ کا کہنا تھا کہ ان کا علاج شروع ہو گیا ہے اور چھاتی کے کینسر کو شکست دینے کے لیے وہ ہر جنگ لڑیں گی ان کا مزید کہنا تھا کہ انہیں یقین ہے کہ وہ کینسر جیسے مرض کو شکست دینے میں کامیاب ہو جائیں گی .
View this post on Instagram
اداکارہ نے مزید کہا کہ انہیں اللہ کی ذات اور اپنی مضبوطی پر بہت یقین ہے . آخر میں اُنہوں نے اپنے دوستوں اور مداحوں سے اُن کی جلد صحتیابی کے لیے دُعاؤں کی اپیل بھی کی .
حنا خان کے کینسر کے انکشاف کے بعد شوبز شخصیات اور مداحوں کی جانب سے اداکارہ کی صحتیابی کے لیے دعائیہ پیغامات جاری کرنے کا سلسلہ جاری ہے .
. .