سولہ ہزار بیروزگاروں کیلئے صرف 10 اسامیاں ظلم کی انتہا ہے، ویٹرنری ڈاکٹرز

کوئٹہ(قدرت روزنامہ) 5 سال سے 1600 بیروزگار ویٹرنری ڈاکٹرز کیلئے بجٹ میں صرف 10 اسامیاں ظلم کی انتہا ہے۔ بلوچستان ویٹرنری ڈاکٹرز ایسوسی ایشن کے ترجمان نے اپنی جاری کردہ بیان میں کہا کہ محکمہ لائیوسٹاک ملک کی معشیت میں ریڈ کی ہڈی کی کردار ادا کرتی ہے لیکن پچھلے 5 سال سے مسلسل اس محکمے کو دیوار سے لگایا جارہا ہے، بلوچستان کے قبائل کے مال مویشی تک ان کے خدمات فراہم نہیں کیے جارہے، دوسری جانب ویٹرنری ڈاکٹرز بیروزگاری کی وجہ سے در بدر کی ٹھوکریں کھانے پر مجبور و سراپا احتجاج ہیں، یہاں تک کہ چند دن پہلے بلوچستان اسمبلی کے سامنے اپنی ڈگریاں بھی نذر آتش کیں لیکن حکومت نے انہیں 5 سال مسلسل بیروزگار رکھ کر اس بار صرف 10 اسامیاں دیکر انکے زخم پر مرہم رکھنے کے بجائے نمک چھڑکنے کے مترادف ہے۔ ترجمان نے حکومت کو خبردار کرتے ہوئے کہا کہ اپنے فیصلے پر جلد نظرثانی کر کے اسامیاں بڑھائی جائیں بصورت دیگر سخت احتجاج کرنے پر مجبور ہوں گے۔