عمران خان تک رسائی حاصل نہیں اور نہ ہی پارٹی فیصلوں میں ان کا کوئی اختیار ہے، جنید اکبر کا شکوہ
اسلام آباد (قدرت روزنامہ)پاکستان تحریک انصاف (پی ٹی آئی) کے سیکرٹری جنرل عمر ایوب کے استعفیٰ کے بعد رکن قومی اسمبلی اسمبلی جنید اکبر نے بھی مایوس ہوکر پارٹی کی کور کمیٹی سے مستعفی ہوگئے۔
میڈیا رپورٹس کے مطابق جنید اکبر نے شکوہ کیا کہ انہیں عمران خان تک رسائی حاصل نہیں اور نہ ہی پارٹی فیصلوں میں ان کا کوئی اختیار ہے۔ ساتھ ہی انہوں نے واضح کیا کہ پی ٹی آئی ان کا گھر ہے، وہ نہ کسی گروپ کا حصہ ہیں اور نہ بنیں گے۔
انہوں نے اپنے بیان میں کہا کہ صرف چند مخصوص لوگ بانی پی ٹی آئی سے ملنے جاتے ہیں، لیکن وہ لوگ ہمیں بانی پی ٹی آئی سے ملنے نہیں دیتے۔
علاوہ ازیں جیند اکبر نے الزام عائد کیا کہ عمران خان سے ملنے والے لوگوں کے ایک دوسرے کے ساتھ مفادات ہیں، ہمیں صرف یہ بتا دیا جاتا ہے کہ موجودہ پارٹی پالیسی بانی چیئرمین کی ہے۔ جنید اکبر نے مزید کہا کہ بدقسمتی یہی ہے کہ سارے فیصلوں کے بینیفشری یہی لوگ، ان کے خاندان کے افراد اور دوست ہیں۔
واضح رہے کہ محض دو روز قبل ہی پاکستان تحریک انصاف کے جنرل سیکرٹری عمرایوب نے پارٹی سیکریٹری جنرل کےعہدے سے استعفیٰ دیا تھا۔ ان کا یہ فیصلہ عدت نکاح کیس میں عمران خان اور بشریٰ بی بی کی سزاؤں کے خلاف اپیلیں مسترد ہونے پر سامنے آیا تھا۔
حالیہ چند دنوں سے پی ٹی آئی رہنماؤں کے درمیان شدید اختلافات سامنے آئے ہیں۔ شیر افضل اور سینیٹر شبلی فراز نے ایک دوسرے پر کڑی تنقید کی ہے جبکہ دیگر رہنماؤں نے بھی پارٹی کی مرکزی قیادت پر الزامات عائد کیے ہیں کہ انہیں عمران خان سے ملنے نہیں دیا جاتا۔
اسلام آباد(قدرت روزنامہ) وفاقی حکومت نے بجلی چوری روکنے اور وصولیوں کے لیے آخری پلان…
اسلام آباد(قدرت روزنامہ) سابق وزیراعظم شاہد خاقان عباسی نے کہا ہے کہ حالیہ بجٹ پاکستان…
کراچی(قدرت روزنامہ)متحدہ قومی موومنٹ پاکستان کے کنوینئر خالد مقبول صدیقی نے کہا ہے کہ ایک…
لاہور(قدرت روزنامہ) این ڈی ایم اے نے پنجاب اور سندھ میں شدید بارشوں اور ممکنہ…
اسلام آباد(قدرت روزنامہ) مخصوص نشستیں کیس میں الیکشن کمیشن کے مؤقف میں تضاد سامنے آگیا،…
لاہور(قدرت روزنامہ) جماعت اسلامی نے بھاری ٹیکسز اور مہنگی بجلی و گیس کے خلاف اسلام…