(قدرت روزنامہ)وزیر اعظم عمران خان کا کہنا ہے کہ اگلا الیکشن ہر صورت میں ووٹنگ مشین سے ہوگا، اوورسیز تیار رہیں، ان کو ووٹ کا حق لے کر دیں گے۔
وزیر اعظم کی زیر صدارت پارٹی کی کور کمیٹی کا اجلاس ہوا، جس میں مہنگائی، بلدیاتی انتخابات، الیکٹرانک ووٹنگ مشین اور اوورسیز کے ووٹ پر بحث کی گئی۔
ذرائع کا کہنا ہے کہ اجلاس میں افغانستان کی صورتحال پر بھی کور کمیٹی ارکان کو بریفنگ دی گئی۔
اجلاس میں پارٹی اور حکومتی سطح پر 12 ربیع الاوّل شایان شان طریقے سے منانے کا فیصلہ کیا گیا، وزیراعظم نے ملک بھر میں ہفتہ عید میلاد النبیﷺ شایان شان طریقے سے منانے کی ہدایت کردی۔
ذرائع کا کہنا ہے کہ وزیر اعظم نے کور کمیٹی کو مہنگائی کے اسباب اور حقائق سے عوام کا آگاہ کرنے کی ہدایت کردی۔
ذرائع کے مطابق وزیر اعظم نے کہا کہ ہر رکن قومی و صوبائی اسمبلی اپنے حلقوں میں جاکر عوام کو اصل صورتحال بتائے، مہنگائی پاکستان ہی نہیں پوری دنیا کا مسئلہ ہے، پاکستان میں دوسرے ممالک کی نسبت کم مہنگائی ہے، اشیاء خورونوش کی قیمتوں میں کمی کے ساتھ مراعات اور سبسڈی بھی دے رہے ہیں۔
وزیراعظم نے اجلاس میں بلدیاتی انتخابات کروانے کے حق میں اپنی رائے دی، جبکہ وزیر اعظم نے سیف اللّٰہ نیازی اور عامر کیانی کو پنجاب کے دورے کرنے کی ہدایت کردی۔
پشاور (قدرت روزنامہ)نیب نے اپنی 25 سالہ تاریخ کی سب سے بڑی ریکوری کرلی ہے،…
ریاض (قدرت روزنامہ) سعودی وزارت حج و عمرہ نے مسجد الحرام میں تصاویرکھینچنےسے متعلق نئی…
کوئٹہ (قدرت روزنامہ) بلوچستان کے سرحدی علاقے میں امن فورس اور نامعلوم مسلح افراد کے…
پشاور (قدرت روزنامہ)وزیر اعلیٰ خیبرپختونخوا علی امین گنڈاپور نے جمعہ کے روز ملک بھر میں…
اسلام آباد (قدرت روزنامہ)پی ٹی آئی کے رہنما اور قومی اسمبلی میں قائد حزب اختلاف…
لاہور (قدرت روزنامہ) پاکستان کرکٹ بورڈنے 3 قومی کرکٹرز کو کو بگ بیش لیگ اور…