ایف بی آر نے ہدف سے زیادہ محصولات جمع کرلیے

اسلام آباد (قدرت روزنامہ)فیڈرل بیورو آف ریونیو نے مالی سال 24-2023 میں ہدف سے زیادہ محصولات جمع کرلیے۔

ایف بی آر کے مطابق مالی سال 24-2023 کے لیے محصولات کا ہدف 9 ہزار 252 ارب روپے تھا جبکہ ایف بی آر نے ہدف سے 54 ارب روپے زائد 9 ہزار 306 ارب روپے کے محصولات جمع کیے۔

ایف بی آر کے مطابق رواں مالی سال کے لیے ٹیکس وصولیوں کا ہدف 9 ہزار 410 ارب روپے تھا تاہم ایف بی آر نے ٹیکس وصولیوں کا ہدف کم کر کے 9 ہزار 252 ارب روپے کر دیا تھا۔گزشتہ مالی سال کے مقابلے میں محصولات کی وصولی میں 30 فیصد اضافہ ہوا۔

بعد میں نیو علی گڑھ کالج اینڈ سکول فار گرلز بھی شروع ہوا جس کیلیے علیٰحدہ عمارت تعمیر ہوئی، یہ ایک چھوٹا سا پاکستان اپنے اندر سموئے ہوئے ہے
پچھلےمالی سال محصولات کا ہدف 7 ہزار 164 ارب روپے تھا تاہم ایف بی آر نے ہدف سے 2 ہزار 142 ارب روپے زیادہ جمع کیے تھے۔

ایف بی آر کے مطابق صرف جون 2024 کے دوران ایک ہزار 183 ارب روپے کے محصولات جمع کیے گئے۔