اب نون لیگ کے 3 گروپ دیکھ رہا ہوں: شیخ رشید
اس موقع پر میڈیا سے گفتگو کرتے ہوئے انہوں نے کہا کہ اداروں کے خلاف زبان استعمال کرنے والے اور جو حکومت کو کمزور کرنا چاہتے ہیں وہ سب منہ کے بل گریں گے . شیخ رشید کا کہنا ہے کہ پاکستانی سیاست کے 120 دن اہم ہیں، وزیرِ اعظم عمران خان سرخرو ہوں گے، عمران خان کی قیادت میں ان شاء اللّٰہ تبدیلی لے کر آئیں گے . پنڈورا پیپرز میں ملوث افراد کیخلاف کارروائی ہو گی، شیخ رشید ان کا کہنا ہے کہ عمران خان کی قیادت میں مہنگائی پر قابو پا لیں گے، وزیرِ اعظم نے کورونا کی وباء کو بہتر طریقے سے ہینڈل کیا، وہ افغانستان کو بھی بہتر طریقے سے ہینڈل کریں گے، طور خم بارڈر کھلا ہے، چمن بارڈر کو ٹھیک کریں گے . انہوں نے کہا کہ پاکستان ایک بڑے حساس اور پیچیدہ وقت سے گزر رہا ہے، سیاست دان مغرب کی طرف دیکھ رہے ہیں جبکہ سیاست مشرق سے طلوع ہو رہی ہے . شیخ رشید کا کہنا ہے کہ 22 اکتوبر سے سیاست میں تیزی آئے گی، وزیرِ اعظم عمران خان بھرپور تیاری کے ساتھ انتخابات میں جائیں گے . فوج کیخلاف زہریلی گفتگو سے نقصان مریم کا ہی ہوگا، شیخ رشید انہوں نے راولپنڈی ویمن یونیورسٹی میں نئے تعمیر شدہ پوسٹ گریجویٹ بلاک کے حوالے سے بتایا کہ یہ پوسٹ گریجویٹ بلاک 13 کروڑ روپے کی لاگت سے تعمیر کیا گیا ہے . وفاقی وزیرِ داخلہ کا مزید کہنا ہے کہ ویمن یونیورسٹی میں 40 کروڑ روپے کا ہاسٹل بھی زیرِ تعمیر ہے، راولپنڈی شہر خواتین کی تعلیم میں پاکستان میں سب سے آگے ہے . شیخ رشید احمد کا تقریب سے خطاب کرتے ہوئے یہ بھی کہنا ہے کہ 50 سالہ تعلیمی منصوبہ مکمل کر لیا ہے، مزید کام بھی کر رہے ہیں . . .
