مہنگائی کی شرح میں اضافہ، ادارہ شماریات نے رپورٹ جاری کر دی

لاہور (قدرت روزنامہ )ادارہ شماریات نے جون 2024 کی مہنگائی رپورٹ جاری کر دی جس کے مطابق جون میں مئی کے مقابلے میں مہنگائی کی شرح میں 0.46 فیصد اضافہ ریکارڈ کیا گیاہے ۔

ادارہ شماریات کی رپورٹ کے مطابق جون میں مہنگائی کی شرح 12.57 فیصد ریکارڈ کی گئی ، شہری علاقوں میں مہنگائی میں 0.58 فیصد اضافہ ریکارڈ کیا گیا ، دیہی علاقوں میں مہنگائی کی شرح میں 0.28 فیصد اضافہ ریکارڈ کیا گیا ، ٹماٹر کی قیمت میں 38 ، پیاز کی قیمت میں 20 فیصد اضافہ ہوا، دالوں کی قیمت میں 10 ، مرغی کی قیمت میں 8 فیصد اضافہ ریکارڈ کیا گیا ، تازہ پھلوں کی قیمت میں 4 فیصد، آٹا، انڈے ، چاول اور چینی کی قیمت میں کمی ریکارڈ کی گئی ، کوکنگ آئل کی قیمت میں بھی معمولی کمی دیکھنے میں آئی۔