کوئٹہ(قدرت روزنامہ)رخسانہ دوست بلوچ نے کہا ہے کہ کل 3 جولائی کو میرے جبری لاپتہ بھائی عظیم دوست بلوچ کی جبری گمشدگی کو 9 سال کا طویل عرصہ مکمل ہورہا ہے۔ میرے بھائی کو 9 سال قبل 3 جولائی 2015 کو گوادر سے جبری لاپتہ کیا گیا تھا اور وہ تاحال لاپتہ ہے۔ اپنے بھائی کی بازیابی کے لیے ہم نے عدالت، کمیشن، پریس کلب سمیت ہر دروازہ کھٹکھٹایا اور احتجاج کے تمام ذرائع استعمال کیے لیکن کئی سے بھی ہماری کوئی شنوائی نہیں ہوئی۔ ایک زندہ انسان کو اس طرح لاپتہ کرنا اور بغیر کسی جرم کے برسوں ٹارچر سیل میں رکھنا ایک غیر انسانی فعل اور اپنے آپ میں خود ایک جرم ہے۔ عظیم کی جبری گمشدگی کے بعد ہم طرح طرح کی مشکلات جھیل رہے ہیں۔ اس وقت صرف عظیم جان اذیت گاہوں میں قید نہیں بلکہ پورا خاندان اجتماعی اذیت میں مبتلا ہے۔ ایک ماں گزشتہ کئی سال سے اپنے بیٹے کو دیکھنے کے لیے ترس رہی ہے، بیماری کی حالت میں بھی اس کی زبان پر صرف عظیم کا نام ہے۔ انہوں نے کہا کہ عدلیہ اور اختیار داروں سے بحیثیت ایک بہن اپیل کرتی ہوں کہ عظیم بے گناہ ہے، اس پر 9 سال سے تشدد کیا جا رہا ہے۔ انہوں نے کوئی گناہ کیا ہو یا نہ کیا ہو لیکن انہوں نے بہت سخت سزائیں بھگتی ہیں۔ اب ان کو انسانی ہمدردی کی بنیادوں پر بازیاب کرکے ہمیں مزید اجتماعی سزا سے چھٹکارا دلائیں، میں اپنے بلوچ راج اور انسانی حقوق کے کارکنوں، صحافیوں، وکلا سمیت دیگر شعبہ ہائے زندگی سے تعلق رکھنے والے لوگوں سے اپیل کرتی ہوں کہ ہم بلوچ وائس فار جسٹس کے ساتھ مل کر 3 جولائی کو شام 7:00 بجے سے رات 12:00 بجے تک ایکس پر مہم چلائیں گے۔ مہم میں حصہ لے کر ہیش ٹیگ ReleaseAzeemDost کا استعمال کرکے ہماری آواز بنیں۔
ریاض(قدرت روزنامہ)سعودی فرماں روا شاہ سلمان بن عبدالعزیز نے اہل اور قابل افراد کو سعودی…
پشاور(قدرت روزنامہ)پشاور کے علاقے لالا کلے کے رہائشی عبدالصمد خان بجلی کی غیراعلانیہ لوڈ شیڈنگ…
اسلام آباد (قدرت روزنامہ)محرم الحرام میں امن و امان برقرار رکھنے، کسی بھی ممکنہ تخریب…
اسلام آباد (قدرت روزنامہ)تحریک انصاف کے رہنما شبلی فراد نے کہا ہے کہ ان سے…
کوئٹہ(قدرت روزنامہ)محکمہ خوراک بلوچستان میں کرپشن کا بڑا انکشاف ہوا ہے۔ 15لاکھ گندم کی بوریاں…
خضدار(قدرت روزنامہ)پیپلز پارٹی کے مرکزی رہنما آغا شکیل احمد درانی نے چیئرمین بلاول بھٹو کے…