وائس چانسلر بیوٹمز ذاتی عیاشیوں پر کروڑوں روپے ضائع کررہے ہیں، پشتونخوا نیپ

کوئٹہ(قدرت روزنامہ)پشتونخوا نیشنل عوامی پارٹی کے صوبائی سیکریٹریٹ کے پریس ریلیز میں بیوٹمز یونیورسٹی کے اوور لوڈڈ بیس سے طلبا کے گرنے جس کے نتیجے میں پشتونخو اسٹوڈنٹس آرگنائزیشن شعبہ الیکٹرکل انجینئرنگ کے جواں سالہ طالب علم علی کے جاں بحق ہونے اور شعبہ کمپیوٹر انجینئرنگ پشتونخوا ایس او کے رکن بلال خان زخمی ہونے کے المناک واقعے پر شدید غم و غصے کا اظہار کرتے ہوئے کہا گیا ہے کہ اس وقت بیوٹمز یونیورسٹی میں طلبا وطالبات کی تعداد تقریبا 10 ہزار ہے مگر بسزز محض 20 ہے جس میں سیٹ بائی سیٹ 30 اسٹوڈنٹس بیٹھ سکتے ہیں مگر ان بسوں میں 70 سے 80 طلبا وطالبات کو بسوں میں زبر دستی بٹھایا جاتا ہے جس کے سبب یہ واقعہ پیش آیا اور ماضی میں بھی اس قسم کے واقعات پیش آتے رہے ہیں اس سلسلے میں طلبا وطالبات و ایمپلائز نے بار ہاں بسوں کی تعداد بڑھانے کیلے درخواستیں دی ہے مگر افسوس سے کہنا پڑ رہا ہے کہ یونیورسٹی انتظامیہ بلخصوص وائس چانسلر اور انتظامیہ کے دیگر آفیسران اور صوبائی حکومت بسوں کی تعداد نہ بڑھا سکے حالانکہ دوسری جانب یونیورسٹی کے وائس چانسلر اور دیگر انتظامیہ کے افسران اپنی ذاتی عیاشیوں پر کروڑوں روپے ضائع کر رہے ہیں۔