ممبئی(قدرت روزنامہ) بالی ووڈ کی معروف اداکارہ سشمیتا سین نے اپنی دوسری تاریخ پیدائش سے متعلق وضاحت پیش کردی۔حال ہی میں سشمیتا سین نے اپنے آفیشل انسٹاگرام ہینڈل کی بائیو میں کچھ تبدیلی کرتے ہوئے 27 فروری 2023ء کی تاریخ کو اپنی دوسری تاریخِ پیدائش کے عنوان سے درج کیا تھا۔
سشمیتا سین کی دوسری تاریخ پیدائش نے مداحوں کو تشویش میں مبتلا کردیا تھا تاہم اب اداکارہ نے اس حوالے سے تفصیلی ویڈیو جاری کی ہے۔
اداکارہ نے انسٹاگرام پر اپنی نئی ویڈیو پوسٹ کی جس میں اُنہوں نے کہا کہ میری زندگی وہ کہانی ہے، جو میں نے خود لکھی ہے لیکن کبھی کبھی کہانی کے دوران نیا موڑ آجاتا ہے۔
اُنہوں نے کہا کہ گزشتہ سال شوٹنگ کے دوران، مجھے جان لیوا دل کا دورہ پڑا تھا، وہ میری زندگی کے سب سے طویل اور مشکل ترین 45 منٹ تھے، اُس وقت مجھے لگا تھا کہ میری کہانی ختم ہوگئی ہے۔
سشمیتا سین نے کہا کہ اس مشکل وقت میں میرے ڈاکٹروں نے ہار نہیں مانی اور ہمت سے کام لیتے ہوئے مجھے نئی زندگی دی، میرے ڈاکٹروں نے مجھے جینے کا نیا جذبہ دیا۔
اداکارہ نے مزید کہا کہ 27 فروری 2023، یہ میری دوسری تاریخ پیدائش ہے کیونکہ اسی دن مجھے دوبارہ زندگی ملی تھی اور میں یہ دن اپنے ڈاکٹروں کے نام کرنا چاہتی ہوں۔
یاد رہے کہ گزشتہ سال سشمیتا سین کو اچانک دل کا شدید دورہ پڑا تھا ان کے دل کی ایک شریان 95 فیصد تک بند تھی، اداکارہ کی فوری انجوپلاسٹی بھی کی گئی تھی۔
اسلام آباد (قدرت روزنامہ)وزیر اطلاعات و نشریات عطا تارڑ نے کہا ہے کہ اےپی سی…
اسلام آباد (قدرت روزنامہ) پیٹرولیم ڈیلرز ایسوسی ایشن نے ملک بھر میں جاری ہڑتال کی…
لاہور (قدرت روزنامہ) پروٹیکٹڈ صارفین کو مبینہ اووربلنگ پر وفاقی تحقیقاتی ادارے ایف آئی اے…
اسلام آباد (قدرت روزنامہ) سٹیٹ بینک آف پاکستان کی جانب سے حکومتی قرضوں سے متعلق…
اسلام آباد (قدرت روزنامہ)وزیر دفاع خواجہ آصف کا کہنا ہے کہ لگتا ہے بانی پی…
اسلام آباد (قدرت روزنامہ)سابق وزیر اعظم شاہد خاقان عباسی جے یو آئی سربراہ مولانا فضل…