سیالکوٹ ایئرپورٹ پر کارروائی، ریپ کیس کے ملزم کی بیرون ملک فرار کی کوشش ناکام بنا دی گئی

اسلام آباد (قدرت روزنامہ) ایف آئی اے امیگریشن نے سیالکوٹ ایئرپورٹ پر کارروائی کرکے جنسی زیادتی مقدمے کے ملزم کی بیرون ملک فرار کی کوشش ناکام بنادی .

اسلام آباد سے ترجمان ایف آئی اے کے مطابق ملزم کا تعلق سیالکوٹ سے ہے اور وہ اسلام آباد پولیس کو مطلوب تھا .

روزنامہ جنگ کے مطابق ترجمان ایف آئی اے کا کہنا ہے کہ ملزم پر تھانہ مارگلہ میں ریپ کی دفعات کے تحت مقدمہ درج ہے .

ترجمان ایف آئی اے کے مطابق ملزم کا نام اسٹاپ لسٹ میں شامل تھا . ملزم کو گرفتاری کے بعد اسلام آباد پولیس کے حوالے کر دیا گیا .