پاکستان امریکا انفنٹری رائفل کمپنی کی مشقیں اختتام پذیر ،جوانوں کا بھرپور صلاحیتوں کا مظاہرہ

راولپنڈی(قدرت روزنامہ )پاکستان امریکا انفنٹری رائفل کمپنی مشق 2024ءکی اختتامی تقریب منعقد ہوئی۔
پاک فوج کے شعبہ تعلقاتِ عامہ (آئی ایس پی آر) کے مطابق اختتامی تقریب کا انعقاد نیشنل کاﺅنٹر ٹیرر ازم سینٹر پبی میں کیا گیا۔پاک امریکا انفنٹری رائفل کمپنی کی مشق پہلی بار انسدادِ دہشت گردی کے شعبے میں کی گئی۔مشق کا آغاز 29 جون کو نیشنل کاﺅنٹر ٹیرر ازم سینٹر پبی میں کیا گیا، دونوں پیشہ ور افواج نے مشقوں میں بھرپور جوش و خروش کے ساتھ حصہ لیا۔جنرل آفیسر کمانڈنگ 17 ڈویژن نے اختتامی تقریب میں بطور مہمانِ خصوصی شرکت کی۔امریکا کے سی جی 34 انفینٹری ڈویژن میجر جنرل چارلس بھی اختتامی تقریب میں شریک ہوئے۔اختتامی تقریب میں جوانوں نے اپنی صلاحیت کا بھرپور مظاہرہ کیا۔
مشقوں کا مقصد مشقوں کے طریقہ کار کو بہتر بنانا اور انسدادِ دہشت گردی کے تجربات سے مستفید ہونا تھا۔
آئی ایس پی آر کے مطابق یہ تبادلہ دونوں ممالک کو درپیش دہشت گردی کے خطرے کا مقابلہ کرنے کے لئے ضروری ہے۔