کراچی (قدرت روزنامہ)اداکارہ اقرا عزیز اور یاسر حسین کی جانب سے چھٹیوں کے دوران بیرون ملک سیر و تفریح کے وقت ڈانس کرنے کی ویڈیو وائرل ہونے کے بعد تنقید کا سامنا ہے۔سوشل میڈیا پر دونوں کی وائرل ہونے والی مختصر ویڈیو میں انہیں یورپی ملک اٹلی کے شہر روم کے سیاحتی مقام پر ایک دوسرے کا ہاتھ تھامے ہوئے ڈانس کرتے دیکھا جا سکتا ہے۔
ویڈیو میں اقرا عزیز کو نہ صرف بولڈ بلکہ مختصر لباس میں دیکھا جا سکتا ہے جب کہ ویڈیو میں انہیں شہر کے دوسرے مقامات پر بھی انجوائے کرتے دیکھا جا سکتا ہے۔دونوں کی سیر و تفریح کی ویڈیو سوشل میڈیا پر وائرل ہونے کے بعد مداحوں نے انہیں آڑے ہاتھوں لیا اور اقرا عزیز کے لباس پر خوب تنقید کی۔
زیادہ تر صارفین نے اقرا عزیز کے لباس کو نامناسب قرار دیتے ہوئے انہیں شرم دلانے کی کوشش کی اور لکھا کہ پاکستانی اداکارائیں بیرون ممالک جانے کے بعد مکمل لباس پہننا بھول جاتی ہیں۔زیادہ تر لوگوں نے اقرا عزیز کے لباس کی وجہ سے ان کے شوہر یاسر حسین کو بھی آڑے ہاتھوں لیا اور انہیں بھی غیرت دلانے کی کوشش کی۔
جہاں صارفین نے اقرا عزیز کے لباس پر تنقید کی، وہیں بعض مداحوں نے ان کی حمایت کرتے ہوئے لکھا کہ دونوں میاں اور بیوی ہیں اور وہ اپنی مصروفیات سے وقت نکال کر سیر و تفریح کرنے گئے ہیں لیکن لوگ ان کی خوشی میں شریک ہونے کے بجائے ان کے لباس پر بحث کر رہے ہیں۔مختصر لباس میں سیاحتی مقام پر ڈانس کرنے کی دونوں کی ویڈیو وائرل ہوگئی اور اسے مختلف سوشل میڈیا پیجز پر شیئر کیا گیا۔
اسلام آباد(قدرت روزنامہ)ملک میں پیٹرولیم مصنوعات کی مجموعی درآمدات میں کمی ریکارڈ کی گئی ہے۔…
پشاور(قدرت روزنامہ) پاکستان تحریک انصاف ایسٹ کے نائب صدر عباس خان نے عہدے سے استعفیٰ…
لاہور(قدرت روزنامہ)استحکام پاکستان پارٹی کے رہنما عون چودھری نے کہاہے کہ کے پی کے عوام…
لاہور(قدرت روزنامہ)نامور مبلغ اسلام مولانا طارق جمیل نے اسلامی نظریاتی کونسل کے فتوے پر ردعمل…
ہنزہ (قدرت روزنامہ) ہنزہ میں مسافر بس بے قابو ہو کر کھائی میں جاگری ،جس…
کراچی(قدرت روزنامہ)امیر جماعت اسلامی نعیم الرحمان کا کہنا ہے کہ پاکستان بدامنی کا متحمل نہیں…