کترینہ کی اننت امبانی کی شادی میں انٹری، کیا حاملہ ہونے کی قیاس آرائیں دم توڑ گئیں؟

ممبئی (قدرت روزنامہ) اننت امبانی اور رادھیکا مرچنٹ کی شادی میں جہاں مختلف بالی ووڈ اداکاروں کی آمد ہوئی وہیں بھارتی اداکارہ کترینہ کیف اور وکی کوشل کی گرینڈ ویڈنگ پر انٹری نے ایونٹ میں چار چاند لگا دیے۔

آج نیوز کے مطابق اننت رادھیکا کی شادی کی تقریب جیو ورلڈ کنونشن سینٹر میں منعقد ہوئی ہے جہاں مقبول بھارتی اداکار و شخصیات سمیت عالمی شہرت یافتہ شخصیات نے بھی خصوصی شرکت کی ہے۔لیکن کترینہ کیف اور وکی کوشل سوشل میڈیا پلیٹ فارمز پر صارفین کی سب سے زیادہ توجہ کا مرکز بن رہے ہیں جن کی ویڈیوز سوشل میڈیا پر وائرل ہو رہی ہیں۔

ویڈیو میں دیکھا جا سکتا ہے کہ کترینہ کیف سرخ رنگ کی خوبصورت ساڑھی میں موجود ہیں جبکہ وکی کوشل کریمی رنگ کی پھولوں کے ڈیزائن والی شیروانی پہنے ہوئے تھے جبکہ گلے میں دوپٹہ بھی ڈال رکھا تھا۔

وہیں سوشل میڈیا پر مختلف قیاس آرائیاں جاری تھیں کہ کترینہ کیف حاملہ ہونے کے باعث اننت امبانی کی شادی میں شرکت نہیں کرسکیں گی۔

مگر بالی ووڈ کی کیٹ نے تقریب میں سرپرائز انٹری دے کر حاملہ ہونے کی افواہوں کو غلط ثابت کردیا۔مگر وہیں بعض سوشل میڈیا صارفین کی جانب سے اب بھی یہی کہا جا رہا ہے کہ کترینہ کے حوالے سے گڈ نیوز ہے مگر وہ چھپا رہی ہیں۔