گوری خان بیٹے آریان کو جیل جاتا دیکھ کر صدمے سے دوچار

ممبئی (قدرت روزنامہ)بالی ووڈ سپرسٹارشاہ رخ خان کے بیٹے آریان خان کیخلاف منشیات کیس کی سماعت 7 اکتوبر کو ہوئی جس میں عدالت نے آریان کی درخواست ضمانت مسترد کرکے مزید 14 روز کے ریمانڈ پر جیل بھیج دیا۔اس موقع پر آریان کی ماں اور معروف بھارتی پروڈیوسر گوری خان اپنا ضبط کھو بیٹھیں اور لاکھ کوششوں کے باوجود بیٹے کی ضمانت نہ ہونے پر دلبرداشتہ ہوگئیں۔بھارتی میڈیا کے مطابق یہ پہلا موقع ہے جب بالی وڈ سپر سٹار شاہ رخ خان کی اہلیہ گوری خان کو بیٹے کی گرفتاری کے بعداس طرح صدمے سے دوچار دیکھا گیا

ہے۔گوری خان کی ویڈیو سوشل میڈیا کے مختلف پلیٹ فارمز پر وائرل ہے جس میں وہ گاڑی میں بیٹھی ہیں اور انہوں نے ایک ہاتھ سے اپنا منہ ڈھانپا ہوا ہے۔دوسری جانب بالی ووڈ کی ماڈل و اداکارہ راکھی ساونت نے شاہ رخ خان کے بیٹے آریان خان کی گرفتاری سے متعلق ردعمل کا اظہار کرتے ہوئے کہا ہے کہ شیر کا شکار کرو، گیدڑ کی طرح بچے کو مت پکڑو۔بھارتی ریاست مہاراشٹرا کے شہر ممبئی کی مقامی عدالت نے منشیات کیس میں گرفتار بالی ووڈ اداکار شاہ رخ خان کے بیٹے آریان خان کی درخواست ضمانت مسترد کردی ہے۔وہیں دوسری جانب بالی وڈ شخصیات کی جانب سے آریان کی گرفتاری پر شاہ رخ خان سے یکجہتی کا اظہار کیا جارہا ہے۔ راکھی ساونت نے بھی بھارتی ایجنسی نارکوٹکس کنٹرول بیورو (این سی بی) پر چڑھائی کی ہے۔انسٹاگرام اکاؤنٹ سے ویڈیو بیان میں راکھی ساونت نے کہا کہ میں یہ نہیں جانتی کہ سچ اور جھوٹ کیا ہے اور کون کس کو پھنسا رہا ہے؟ ایک ہی بات کہنا چاہتی ہوں کہ آپ لوگ شیر ہو تو شیر سے لڑو اور گیدڑ بن کر بچے کا شکار مت کرو۔ انہوں نے کہا کہ یہ کہتے ہوئے دکھ ہوتا ہے کہ بہت سارے شہروں میں کچرے کے ڈھیر پر بچے منشیات پی کر مرجاتے ہیں اور وہیں سے ان کی لاشیں ملتی ہیں لیکن وہاں جاکر منشیات بیچنے والوں کو کوئی نہیں پکڑتا۔